Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 31 март Шиә сојгырымы илә бағлы АЈП-нын һәмсәдри профессор Мајис Ҝүләлијев Исламазери.аз Интернет Гәзетинә мүнасибәт билдириб. Политолог билдириб ки, "Өтән әсрин әввәлләриндә баш вермиш бу дәһшәтли һадисәләрдә әсас мәгсәдләрдән бири Мүсәлманлары башда Бакы вә әтрафы олмагла әсас әһәмијјәтли әразиләрдән сыхышдырыб чыхармаг олуб. Бунун үчүн мүхтәлиф васитәләрдән, о ҹүмләдән Мүсәлманлары горхудараг, һәдәләјәрәк, доланышыг бахымындан әзијјәтләрә салараг өз јурд-јуваларындан көчмәјә мәҹбур етмәк, һәмчинин күтләви гәтлиамларла демографик вәзијјәти дәјишмәк кими гејри-инсани јоллара әл атылыб. Чох тәәссүф ки, о заманкы вәзијјәтдә Мүсәлман әһалини мүдафиә едәҹәк һеч бир гүввә олмады. Јалныз бир нечә Руһани, Ағсаггал вә Бакы Гочусу кичик өзүнүмүдафиә дәстәләри илә бу иши ҝөрмәјә чалышырдылар."
Мајис Ҝүләлијев мәһз Шиә мәзһәбли әһалинин һәдәфә алындығына да диггәт чәкиб: "Бир чохлары үчүн ајдын олмајан бир мәсәләни дә хатырладым ки, о дөврдә Азәрбајҹанда Мүсәлман дејәркән әсасән Шиә мәзһәбли әһали нәзәрдә тутулурду. Сүнниләри исә о заманлар татар адландырырдылар. Әҝәр гырғынларын тарихи сәнәдләрә, төрәдилдији әразиләрә, ҹоғрафи јер адларына диггәт етсәк бу факт бир даһа тәсдиг олунар. Јәни 31 мартда гәтлиамлара мәруз галанларын әксәријјәти Шиәләр олуб. Бу бардә Русија архивләриндә дә гејд олунуб вә ССРИ дөврүндә дә, инди дә сөзүҝедән мәсәләјә демәк олар ки тохунулмур. Нијә мәһз Шиәләрин тәгибләрә, тәһдидләрә вә гәтлиамлара мәруз гојулмасы ҝениш тәдгигә еһтијаҹ дујан мәсәләдир."
Фикринин јекунунда Мајис Ҝүләлијев дејиб: "Амма һәр бир һалда һәмин һадисәләр нәинки Азәрбајҹан, үмумиликдә инсанлыг тарихи үчүн бир ләкәдир, бир јарадыр. Тәбиики заманы ҝери гајтармаг олур, амма ҝәрәк өлкәмиздә, реҝионда, вә дүнјада ҝәләҹәк әмин-аманлыг, рифаһ вә әдаләтли ҹәмијјәт үчүн белә һадисләри унудулмасын, кечмишә бахыб дәрс чыхарылсын."
Диггәт: Хәбәрдән истифадә етдикдә мәнбәјә истинад лазымдыр
