Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән мәшһур Бејнәлхалг Анонјмоус Хакер групу ишғалчы исраил режиминә гаршы башлатдығы кибер һүҹум далғасында бу режимәә ағыр бир зәрбә вуруб.
Анонјмоус исраил мүдафиә гүввәләри (ЫДФ) вә Моссада гаршы етдији һүҹумларда, бу ики тәшкилатын сајтларыны да чөкдүрүб. Хакерләр даһа сонра башда бу ики тәшкилат олмаг јанашы исраил режиминә аид рәсми сајтлардан әлә кечирдикләри 1677 нәфәрлик ад сијаһысыны да интернетдә јајымлајыблар.
Сосиал шәбәкәләрдә бомба кими бу хәбәри изаһедән Анонјмоус, әлләриндә Моссад аҝентләринин вә ЫДФ забит вә әскәрләринин ад, үнван, почт үнваны кими мәлуматлар илә долу олан сијаһыны интернетдән јајыб. Сијаһыда хүсусилә дә Моссад аҝентурасынын хејли сајда ачыг мәлуматларынын олдуғу билдирилир.
Дүнән сәһәр саатларында деактив галан Моссадын рәсми сајты исә, ҝүнортаја доғру анҹаг дүбарә фәалијјәтинә башлаја билмишдир. Бу барәдә сионист режиминин рәсми мәгамлары һеч бир рәсми ачыглама вермәмишдир. Буна бахмајараг Анонјмоус исә әлләриндә он минләрлә мәхфи мәлуматлары еһтива едән сәнәдләрин олдуғуну вә бунлары сырајла интернетдә јајынланаҹағыны билдирибләр.
Гејд едәк ки, Анонјмоус өтән һәфтә сионист исраил режими тәрәфиндән Гәзза Золағына едилән һүҹумлара ҹаваб олараг “Исраили интернетдән силәҹәјик" башлығыјла ачыглама верәрәк бу режимә гаршы бу ана гәдәр едилмиш ән әһатәли кибер һүҹумлары тәшкил едәҹәкләрини ачыгламышдыр.
Диггәт: Хәбәрдән истифадә етдикдә мәнбәјә истинад лазымдыр
