Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Әфганыстан Дангам мәнтәгәсинин Полис Шөбә рәиси Мутиуллаһ билдириб: “Бу ҝүн, 1 март, 2013 тарих, сәһәр радәләриндә Даган сәрһәд мәнтәгә полис машыны, гијамчылар тәрәфиндән басдырылмыш минаја дүшәрәк партлајыб. Партлајыш нәтиҹәсиндә 7-си полис әмәкдашы, 3-чү исә мүлки вәтәндаш олмагла 10 нәфәр һәјатыны итириб.”
Дангам Полис рәиси, даһа сонра һадисәнин ким тәрәфиндән төрәдилдијинә ишарә едәрәк билдириб: “Баш вермиш һадисә “Сүлһ Дүшмәнләри” (Әфганыстан рәсмиләри тәрәфиндән Талибан Террор Тәшкилатына ишарә едилән терминдир) тәрәфиндән төрәдилиб.”
Лакин гејд етмәк лазымдыр ки, Талибан груплашмасы, һадисә илә бағлы һәр һансы бир рәсми бир мәлумат јајымламајыб.
Диггәт: Хәбәрдән истифадә етдикдә мәнбәјә истинад лазымдыр
