Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән 50 нәфәрин өлүмү 200-дән чох инсанын јараланмасы илә нәтиҹәләнән террор актыны “Әл Гаидә” илә әлагәли террорчу груплашма төрәдиб.
Сурија һакимијјәти һесаб едир ки, Дәмәшгдә өтән ҝүн 50 нәфәрин өлүмү 200-дән чох инсанын јараланмасы илә нәтиҹәләнән иримигјаслы террор актыны “Әл Гаидә” илә әлагәли террорчу груплашма төрәдиб. Mүвафиг бәјанатла Сурија ХИН чыхыш едиб.
“Дәмәшгдәки террор актыны “Әл Гаидә” илә әлагәли вә хариҹдән малијјәләшән террорчу груплашма төрәдиб”, дејә ХИН бәјанатында гејд олунуб.
Хатырладаг ки, Суријанын пајтахты Дәмәшг шәһәринин мәркәзиндә бу ҝүн баш верән партлајыш нәтиҹәсиндә азы 53 нәфәр өлүб, 200-дән чох инсан исә јараланыб. АПА-нын “Франҹе Прессе” аҝентлијинә истинадән вердији мәлумата ҝөрә, һакимијјәтдәки БӘӘС Партијасы Мәркәзи Комитәсинин бинасынын јерләшдији Имам мејданынын ҝиришиндә камикадзе-террорчу ичинә бомба јерләшдирилмиш автомобили партладыб. Нәтиҹәдә 400 метр радиусда јерләшән биналара ҹидди зәрәр дәјиб, чохлу сајда автомобил зәрәр чәкиб. Партлајыш баш верән јердә 3 метрлик ики чухур әмәлә ҝәлиб
Диггәт: Хәбәрдән истифадә етдикдә мәнбәјә истинад лазымдыр
