Әһли Бејт -АБНА- хәбәр аҝентлијинин вердији хәбәрә әсасән Теһран Сүмә Намазынын Хәтиби Ајәтуллаһ Мүвәһһиди Кермани 22 Бәһмән јүрүшүнүн өнәминә диггәт чәкәрәк дејиб: Халг өтән 34 илдә бүтүн имтаһанлардан башыуҹа чыхыб вә ән чәтин шәраитдә, дүшмән ракетләри вә бомбаларынын алтында белә Ингилабы вә Гурулушу мүдафиә етмәкдән белә ваз кечмәјиб. Чүнки, бу гурулушу вә бу өлкәни өз дини илә бир тутур. Амма, халгын бу сәбри чәтин шәраитдә өлкә рәсмиләринин өһдәсинә дүшән мәсулијјәтләри һеч дә азалтмыр.
Ајәтуллаһ Мүвәһһиди Кермани Иран Ислам Республикасынын Сурија мәсәләсиндә јүрүтдүјү уғурлу дипломатијаја ишарә едәрәк, дејиб: Бу ҝүн артыг Сурија илә бағлы Америка, исраил режими вә реҝионун иртиҹачы режимләринин бүтүн планлары алт-үст олуб вә Суријада террорчулара силаһ ҝөндәрилмәси тактикасы уғурсузлуға уғрајыб. Бу фитнәләр јалныз иртиҹачы режимләр вә онлары һимајә едәнләрин рүсвајчылығына сәбәб олуб.
Теһранын ҹүмә намазы хәтиби Ирагда ҹәрәјан едән сон һадисәләрә дә мүнасибәт билдириб.
“Хөшбәхтликдән Тәглид Мәрҹәләри сајәсиндә һеч бир ниҝаранлыға сәбәб јохдур вә бүтүн проблемләр өз һәллини тапаҹаг.” – дејә Ајәтуллаһ Мүвәһһиди Кермани билдириб.
Теһранын мүвәггәти Имам Ҹүмәси әлавә едиб: Нә гәдәр ки, Вилајәт идеолоҝијасы әтрафында бирик, Ингилабымызы һеч бир тәһлүкә һәдәләјә билмәз.
Диггәт: Хәбәрдән истифадә етдикдә мәнбәјә истинад лазымдыр
