Әһли Бејт -АБНА- хәбәр аҝентлијинин вердији хәбәрә әсасән Бөлҝәдән "азадлигнеwс.тв"јә верилән мәлумата ҝөрә Загаталанын Мухах, Ҝөзбарах, Даначы, Чобанкол, Гымыр, Мамрух вә с. кәндләриндә әһали ајаға галхараг һагларын тәләб едиб. Бу кәндләрдә гадынлар, ушаглар белә рајон мәркәзинә доғру јүрүш етмәјә ҹәһд ҝөстәрибләр. Полис аксијачыларын гаршысыны аымаг истәјиб вә бу заман рајон мәркәзинә ҝедән јолда полислә әһали арасында гаршыдурма баш вериб.
Мәлумата ҝөрә, рајон иҹра һакимијјәтинин башчысы вә полис рәиси һадисә јериндә олуб, фөвгәладә һаллар назиринин мүавини ҝенерал Оруҹәли Һаҹыјев дә рајона ҝәлиб. Бундан башга, Дахили Ишләр Назиринин јүксәк чинли мәмурунун да әразијә ҝәлдији дејилир. Мәлуматына ҝөрә, ФҺН ҝенералы Оруҹәли Һаҹыјев әһали гаршысында чыхыш едиб вә билдириб ки, онларын Бакыја ҝетмәк истәкләриндәм хәбәр тутдугдан сонра бура ҝәлиб: "Сизин Бакыја ҝәлмәјинизә еһтијаҹ јохду. Биз сизин ајағыныза ҝәлдик. Шәхсән мәним иштиракымла комиссија јарадылаҹаг вә һәр бир шикајәтә бахылаҹаг". Мәнбәнин мәлуматына ҝөрә, бөлҝәдә вәзијјәт һәлә дә ҝәрҝин олараг галыр вә инсанлар дағылмаг фикриндә дејил. Етираз аксијалары кечирилән кәндләрин чыхышында полис мәнтәгәләри гурулуб вә инсанларын кәнддән чыхышы мәһдудлашдлрылыб.
Загаталада олдуғуну вә сакинләрлә ҝөрүш кечирдијини Оруҹәли Һаҹыјевин өзү дә тәсдигләјиб. О, АПА-ја ачыгламасында билдириб ки, бу ҝүн Загаталанын бир нечә кәндиндә әһали илә ҝөрүшләр кечирибләр. Онун рәһбәрлик етдији һејәт Загатала рајон Иҹра Һакимијјәтинин башчысы Мүбариз Әһмәдзадә илә бирликдә зәлзәләдән зәрәр чәкмиш кәндләрдә сакинләри динләјәрәк, онларын проблемләри илә марагланыблар: “Сакинләр сон тәканлардан сонра евләрә дәјмиш зијан барәдә мәлумат вердиләр. Онлара билдирилди ки, комиссија сон тәканлар нәтиҹәсиндә зәрәр ҝөрмүш евләрә вә диҝәр тикилиләрә бахыш кечирәҹәк. Бундан асылы олараг комиссија тикилиләрдә тәмир-бәрпа ишләринин апарылмасы, јахуд јенидән тикилмәси барәдә гәрар верәҹәк”.
Назир мүавини дејиб ки, онлар бу ҝүн рајонун зәлзәләдән зәрәр чәкмиш Ҝөзбарах, Мамрых, Мухах, Даначы вә Әлиабад кәндләриндә олублар: “Зәлзәләдән зәрәр чәкмиш кәндләрин һамысында ҝөрүшләр кечириләҹәк, сакинләрин проблемләри динләниләҹәк, лазыми тәдбирләр ҝөрүләҹәк”.
Јанварын 30-да Загаталанын зәлзәләдән әзијјәт чәкән Даначы, Ҝөзбарахда, Ашағы Тала, Мухах вә Чобанкол кәндләринин сакинләри рајон мәркәзинә јүрүш кечириб. “Медиа форум” сајтына ачыглама верән “Күр” Вәтәндаш Ҹәмијјәти Гәрарҝаһынын координатору Огтај Ҝүлалыјев јүрүшүн сакинләрә аз компенсасија верилмәси илә бағлы олдуғуну дејиб.
Огтај Ҝүлалыјев әлавә едиб ки, әһали евләринә дәјән зијанла бағлы адекват ишләрин ҝөрүләҹәјини ҝөзләјирди: “Евләринин тәмир едиләҹәјини ҝөзләдикләри һалда 1000-4000 манат компенсасија верилмәси инсанларда наразылыг јарадыб. Онлар һиддәтләнибләр вә фөвгәладә һаллар назири илә ҝөрүшмәк истәјирләр. Биз һесаб едирик ки, назир әһали илә ҝөрүшүб һәлл јолу тапмалыдыр”.
Огтај Ҝүлалыјев зәлзәлә бөлҝәсиндә апарылан тикинти вә тәмир ишләри илә бағлы јени һесабатын Фөвгәладә Һаллар Назирлијинин уҹбатындан ҝеҹикдијини гејд едиб: “Фөвгәладә һаллар назири јанварын 7-дә ачыглама верди ки, Гах-Загатала бөлҝәсиндә 2984 ев вә 22 мәктәб тикилиб. Амма бу мәлумат шүбһә доғурур. Рәгәмләр шиширдилиб. Биз һәмин евләрин һарада тикилмәси, кимләрә мәхсус олмасы илә бағлы сорғу ҝөндәрмишик. Мәлумат версинләр ки, ҝедиб һәмин кәндләрдә вәзијјәт вә тикилән евләрин сајы илә бағлы мониторинг апараг. Амма өтән заман әрзиндә назирлик сорғумуза ҹаваб вермәјиб. Мәһз бу сәбәбдән һесабатымыз ҝеҹикир”.
***
Загаталада ҝәрҝинлијин јашандығы һагда хәбәрләр алмагдајыг.
Рајондакы мәнбәләрдән алдығымыз мәлумата ҝөрә, рајонун зәлзәләдән зәрәр ҝөрмүш кәндләринин сакинләри онлара верилән конпенсасијанын азлығындан наразыдырлар вә шикајәт үчүн Бакыја ҝәлмәк истәјирләр.
Мәлуматда дејилир ки, јанварын 30-у сәһәр саатларында Мухах вә Ҝөзбарах кәндләринин ҹамааты топлашараг Бакыја јүрүш етмәјә һазырлашыблар. Мәсәләдән хәбәр тутан рајонун иҹра башчы дәрһал Ҝөзбараха ҝәлиб һәр ики кәндин бурада топлашан сакинләри илә ҝөрүшүб. Иҹра башчысыны полис рәиси дә мүшаијәт едиб. Бундан башга, әрази полис нәзарәтинә алыныб.
Кәндләрин сакинләри онлара верилән 3000-7000 манат арасы конпенсасијанын азлыг тәшкил етдијини, бу мәбләғин тәсәррүфатларына дәјән зијаны өдәмәдијини билдирибләр. Иҹра башчысы әаһлини сакитләшдирмәјә чалышыб. Ҝәрҝинлијин бөјүмәсинә имкан вермәмәк үчүн кәндләрин ҹаванларыны сакинләрин топлашдығы јердән узаглашдырмаға башлајыблар.
Рајондакы мәнбәләр ону да билдирибләр ки, компенсасијанын азлығындан шикајәтчи олан Даначы кәндинин сакинләри исә бир нәфәр кими оналара тәклиф олунан мәбләғи алмагдан имтина едибләр.
Һадисәләрин инкишафы барәдә әлавә мәлуматлар верәҹәјик.
Диггәт: Хәбәрдән истифадә етдикдә мәнбәјә истинад лазымдыр
