Әһли Бејт -АБНА- хәбәр аҝентлијинин вердији хәбәрә әсасән Мәһәммәд Пејғәмбәр (с) вә мүгәддәс Гуран тәкҹә мүсәлманлара дејил, ејни заманда бәшәријјәтин бүтүн динләринә ситајиш едәнләрә, о ҹүмләдән христианлар вә јәһудиләрә дә мәхсусдур.
Бу барәдә Ислам өлкәләринин һәрбчиләри арасында тарихдә илк дәфә кечирилән Гуран мүсабигәсинин бағланыш мәрасиминдә Иран Ислам Республикасынын Президенти Маһмуд Әһмәдинежад бәјан едиб.
Онун сөзләринә ҝөрә, диггәтин шиә вә сүннилик арасында фәргләрә јөнәлдилмәси мүсәлманлар арасында мүнагишәләрин аловландырылмасына сәбәб олур.
Маһмуд Әһмәдинежад дүнја мүсәлманлары арасында һәмрәјлијин мөһкәмләндирилмәсинин ваҹиблијини вурғулајараг билдириб: " Етник вә гәбилә груплары арасында баш верән мүбаһисәләрин сәбәбкары шејтандыр. Һазырда мүсәлман дүнјасынын бирләшмәјә чох бөјүк еһтијаҹы вар".
Диггәт: Хәбәрдән истифадә етдикдә мәнбәјә истинад лазымдыр
