Әһли Бејт -АБНА- хәбәр аҝентлијинин вердији хәбәрә әсасән Исламчы Вүсал Гулијев онколожи хәстәдир. Мәһбус Вүсал һәмчинин 3-ҹү дәрәҹәли хәрчәнҝдән, Һепатит Ҹ, 12 бармаг бағырсағын хроникасы, хроники хорестит, хроники бронхит, 3-ҹү дәрәҹәли линфоситар линфасар хәстәликләриндән әзијјәт чәкир.
Исламчы Вүсал Гулијев бу хәстәликләрлә әзијјәт чәкдији һалда мәһкәмә һәбс-гәтимкан тәдбиринин ев дустаглығы илә дәјишдирилмәсинә иҹазә вермир.
Исламчы Вүсал Гулијевин вәкили Әбил Һәсәнов, һаким Низами Гулијевә мүвәккилинин ағыр хәстәликләрлә әзаб чәкдијинә ҝөрә хәстәхана јахуд да ев шәраитиндә мүалиҹә олунмасы барәдә вәсатәт вериб.
Вәкил һакимә билдириб ки, индики вәзијјәтдә дустагларын Бакыдан Масаллыја апарылыб, ҝәтирилмәси дустаглара чәтинлик јарадыр. Хәстә бир инсанын исә бу јола таб ҝәтирмәси чох чәтиндир. Вәкил дејиб ки, истинтаг заманы бир нечә дәфә, Вүсал Гулијевин ган гајтардығынын шаһиди олуб. Вүсал Гулијев бу ағыр хәстәликләрин мүгабилиндә исә јүнҝүл шәкилдә түрмәдә мүалиҹә алыр. Вәкил билдириб ки, һәтта ҝөрүшдүкләри заман дәфәләрлә Вүсал үчүн тәҹили-тибби јардым чағырылыб. Әбил Һәсәнов һүгугларыны мүдафиә етдији Вүсал Гулијевин хәстәликләри илә бағлы һазырланмыш сәнәдләри һаким Низами Гулијевә тәгдим едиб.
Сонракы мәһкәмәләрдә иштирак едән 7 вәкил Вүсал Гулијевин вәзијјәтинин һәгигәтәндә ағыр олдуғуну һакимә билдириб.
Бүтүн бунлардан сонра һаким мәһкәмәдә дөвләт иттиһамчысы Ајдын Әлијевдән вәсатәт барәдә рәјини сорушанда дөвләт иттиһамчысы билдириб ки, Вүсал Гулијевин хәстәлији барәдә мүәјјән тибби арајышлар баш прокурорлуға ҝәлиб. Вүсал Гулијев һәбсхана шәраитиндә мүәјјән гәдәр мүалиҹә олунур. Онун вәсатәтинин дәјишдирилмәсинә етираз едирәм.
Дөвләт иттиһамчысынын рәјиндән сонра һаким Вүсал Гулијевлә бағлы галдырылмыш вәсатәти тәмин етмәјиб.
Билдирәк ки, Вүсал Гулијевин һимајәсиндә 2 азјашлы ушаг вар вә аиләнин маддијјатын өдәјән тәк шәхсдир. Вүсал Гулијеви һәбсдән сахланылдығы шәкилдә өләрсә бу ҹинајәт кимин бојнунда галаҹаг?
Бунунла бағлы Исламазери.аз вәкил Елчин Намазовла әлагә сахлајыб. Елчин Намазов билдириб ки, “Тәкҹә 2013-ҹү илдә пенитенсиар хидмәтин табелијиндә олан мүәссисәләрдә ән азы 3-4 нәфәр өлүб. Чох тәәссүфләндириҹи һалдыр ки, ҹәзачәкмә мүәссисләриндә мүалиҹәси мүмкүн олмајан чох сајда мәһкум олмасына бахмајараг, онлары азадлыға бурахмырлар ки, өзләрини мүалиҹә етдирсинләр. Нәтиҹәдә тез-тез өлүм һаллары баш верир. Бир нечә ҝүн бундан әввәл мүалиҹә мүәссисәсиндә даһа ики мәһкум өлмүшдү. Бу системдә олдугҹа ағыр вәзијјәт һөкм сүрүр. Мәһкәмә һакимијјәтинин олмамасы сәбәбиндән инсанлар хәстәликлә әлагәдар азадлыға бурахылмасы үчүн мәһкәмәләрә дә мүраҹиәт етмирләр. Вүсал Гулијевин мүраҹиәтинин нәтиҹәси олмадығы кими. Чүнки практика будур ки, ҹәзачәкмә мүәссисәсинин вә прокурорлуғун разылығы олмаса өлүм ајағында олан шәхси белә азад етмирләр. Һәјәҹан тәбил чалмаг, бүтүн ГҺТ-ләрин диггәтин бу саһәјә јөнәлтмәк лазымдыр.”
Бундан өнҹәдә һиҹаб мәһбусу Һаҹы Вагиф Абдуллајев ағыр хәстә олдуғу һалда, һәбсханадан бурахылмамышды. Гыса мүддәт сонра Һаҹы Вагиф шәһид едилмишди.
Гејд едәк ки, Вүсал Гулијев Ҹ.М.-нин 315.2 (Һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә), 324 (Азәрбајҹан Республикасынын Дөвләт бајрағы вә ја Азәрбајҹан Республикасынын Дөвләт ҝерби барәдә тәһгиредиҹи һәрәкәтләр)” 283.1 (Милли, ирги, сосиал вә ја дини нифрәт вә дүшмәнчилијин салынмасына, милли ләјагәтин алчалдылмасына, һабелә милли, ирги вә ја дини мәнсубијјәтиндән асылы олараг вәтәндашларын һүгугларынын мәһдудлашдырылмасына вә ја үстүнлүкләринин мүәјјән едилмәсинә јөнәлән һәрәкәтләр, ашкар сурәтдә вә ја күтләви информасија васитәләриндән истифадә олунмагла төрәдилдикдә) маддәләри илә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
