“Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Бинә” Тиҹарәт Мәркәзиндә сатыҹылар иши дајандырараг, јолу бағлајыблар.
Мағаза саһибләри, рәһбәрлијин јенидән ајлыг јерһаггыны 400 манат артырмасы илә бағлы етираз едирләр. Етираз едән саһибкарлар Лөкбатан јолуну бағлајараг, аксија кечирирләр.
Сатыҹыларын вердији мәлумата ҝөрә, базар рәһбәрлији јерһагларыны артырыб вә онлар буна етираз едәрәк аксијаја гошулублар. Етиразчылар јахынлыгдакы маҝистрал јолу бағламагла пајтахта ҝедиш-ҝәлишә манечилик јарадыблар.
Мәлумата ҝөрә, әразијә полис гүввәләри ҹәлб олунуб. Онлар етиразчылара зор тәтбиг едиб. Амма етиразчыларын чох олдуғуну ҝөрән полисләр ҝери чәкилмәјә мәҹбур олублар.
Лакин јенидән аксија иштиракчылары илә полис арасында гаршыдурма јараныб, даш вә мүхтәлиф әшјалар атмаға башлајыблар. Полис аксијаны дағытмаг үчүн ҝөзјашардыҹы газдан вә резин ҝүлләләрдән истифадә едиб.
Аксија иштиракчылары арасында сахланыланлар вә хәсарәт аланлар вар. Полис әмәкдашлары арасында да хәсарәт аланларын олдуғу билдирилир.
Һазырда Бакы-Салјан шосесинин нәглијјатын һәрәкәти там бәрпа олунуб.
Диггәт: Хәбәрдән истифадә етдикдә мәнбәјә истинад лазымдыр
