Әһли Бејт (әлејһис сәлам) - АБНА - Хәбәр Аҝентлијинин вердији хәбәрә “Азәрбајҹан Зијалылар Бирлији”нин сәдри Елдәниз Гулијев әсасән Исламинсеси.аз порталына вердији ачыгламада Илин мәнәвијјат адамы” мүкафатына Мөвсүм Сәмәдов лајиг ҝөрүлдүјүнү билдириб.
Елдәниз Гулијев билдириб ки, "Азәрбајҹан Зијалылар Бирлији” артыг ики илдир “Илин Мәнәвијат Адамы” адлы өдүл тәсис едиб вә бу мүкафат һәр ил бир нәфәрә тәгдим олунур. Бизим тәшкилатын Алимләр Шурасы бу ил әрзиндә өз мәнәви дүнјасы олан, дүнја ҝөрүшүндә вә дүнја дујумунда мәнәвијјата үстүнлүк верән, милли мәнәви дәјәрләри һәр шејдән уҹа тутан, Ислам әхлагыны уҹа тутан инсанлар арасындан бир нечә нәфәри сечмәли олуб.
Комиссија бу өдүлүн кимә верилмәли олдуғуну гәрара алыр. Бу ил дә Али Шура белә гәрара ҝәлди ки, мүкафат доктор Һаҹы Мөвсүм Сәмәдова верилсин. Әввәла өз ифадәсинә ҝөрә һәбс олунуб, сонра да шәрләниб. Биз буну дәфәләрлә бәјан етмиш вә етираз бәјанаты да тәгдим етмишик.
Амма ҝөрүнүр Азәрбајҹан һакимијјәти јенә дә өз әнәнәви јалан үсулундан әл чәкмир. Һаггы, әдаләти дејән адамлар һәмишә тәзјиг алтында олурлар. Һаҹы Мөвсүмүн һәбс олунмасына да әдаләтли шәхсин контексиндән бахмаг лазымды.
Бу ҝүн Һаҹы Мөвсүм һәбсханада хәстәдир, вәзијјәти ағырдыр вә һамы билир ки, бу адам шәрләниб һәбс олунуб. Она ҝөрә дә биз гәрара ҝәлдик ки, мәнәвијјат адамы мүкафатына бүтүн категоријалар үзрә Һаҹы Мөвсүм Сәмәдов лајигдир. Бөјүк мәмнунијјәтлә Али Шуранын үзвләри јеткил олараг гәрар чыхартдылар ки, ону Һаҹыја тәгдим едәк".
Диггәт: Хәбәрдән истифадә етдикдә мәнбәјә истинад лазымдыр
