Әһли Бејт -АБНА- хәбәр аҝентлијинин вердији хәбәрә әсасән Декабрын 30-да Астара рајонун Әрчиван кәндиндә јүз нәфәрә јахын сакин етираз аксијасы кечириб.
Сакинләр Бакы-Астара јолуну бағламаға ҹәһд ҝөстәрибләр. Онлар буна там наил ола билмәсәләр дә, аксија кечирилән јердә машынларын һәрәкәти чәтинләшиб.
Әрчиван сакинләри Астара кечид мәнтәгәсиндәки ганунсузлугларын, рајонда ишсизлијин, мәмур өзбашыналығынын арадан галдырмасыны тәләб едибләр.
Аксија ики саата јахын давам едиб. Полис һадисә јеринә ҝәлсә дә, аксијанын кечирилмәсинә мане олмајыб. Етираз аксијасы инсидентсиз баша чатыб.
Диггәт: Хәбәрдән истифадә етдикдә мәнбәјә истинад лазымдыр
