Әһли Бејт -АБНА- хәбәр аҝентлијинин вердији хәбәрә әсасән Билдијиниз кими Ләнкәранда Ашура ҝүнү издиһамлы јүрүш кечирилиб
Ләнкәран рајон полиси бу јүрүшүн кечирилмәмәси үчүн диндарлара хәбәрдарлыг едиб вә јүрүш кечириләрсә ашурадан сонра башларына “ојун” ачаҹаглары дејилиб.
Диндарлар полисин ганунсуз хәбәрдарлығына мәһәл гојмајараг Ашура јүрүшүнү издиһамлы шәкилдә кечирибләр. Ашурадан сонра декабр ајынын 5-и Ләнкәран шәһәринин Кичикбазар мәнтәгәсиндә јерләшән мәсҹиддә орта јашлы бир шәхс диндарлары налајиг сөзләрлә тәһгир едиб. Диндарлар онун бу һәрәкәтинин мәсҹиддә гаршыдурма јаратмаг үчүн олдуғуну билдикләриндән һәмин шәхсә гаршылыг вермәјибләр.
Аз мүддәт сонра исә һәмин шәхсин оғлу мәсҹидә дахил олараг әлиндәки бычагла диндарлар Ибраһим Азадова хәсарәт јетириб. Јараланан шәхс хәстәханаја апарылыб. Мүалиҹә олунуб. Диндары бычаглајан шәхс исә полис тәрәфиндән сахланылмајыб.
Рајон ағсаггалы Ағамуса бәј Рајон Иҹра һакимијјәтинә ҝедәрәк Иҹра башчысы Талеһ Гарашовла ҝөрүшүб. Ләнкәран Шәһәр Иҹра Һакимијјәтинин дини гурумларла иш үзрә шөбәсинин сектор мүдири Ҹејһун Иманов “Медиафорум”-а буну тәкзиб едиб.
Дүнән Исламазери.аз-а мәлумат верән Кичикбазар сакини дејир ки, дүнән Ләнкәран полиси зәрәрчәкмиш Ибраһим Азадов полис бөлмәсинә апарыб вә һәлә дә бөлмәдә сахлајыр.
Гаршы тәрәфин мөвгејини дәрҹ етмәјә һазырыг.
Диггәт: Хәбәрдән истифадә етдикдә мәнбәјә истинад лазымдыр
