Әһли Бејт -АБНА- хәбәр аҝентлијинин вердији хәбәрә әсасән Һүгуг вә Азадлыгларын Мүдафиәси Инситуту (ҺАМИ) "Азадхебер.орҝ" интернет гәзетинин баш редактору Ниҹат Әлијевин иҹтимаи мүдафиәсинә гошулуб. Бу барәдә һүгуг мүдафиә тәшкилатынын рәсми сајтында мәлумат верилиб.
Мәлуматда билдирилир ки, 2011-2012-ҹи илләр Азәрбајҹанда азад сөзүн ән чох боғулдуғу дөвр кими јадда галыб. "Бу мүддәт әрзиндә ондан артыг журналист һәбс едилиб, јахуд диҝәр формада тәзјиг вә тәгибләрә мәруз галыб. Һакимијјәтин ганунсуз һәрәкәтләри илә үзләшән журналистләрдән бири дә "Азадхебер.орҝ" интернет гәзетинин баш редактору Ниҹат Әлијевдир.
Ниҹат Әлијев 20 мај 2012-ҹи ил тарихиндә һәбс едилиб. Онун барәсиндә Ҹинајәт Мәҹәлләсинин 234.1-ҹи маддәси илә ҹинајәт иши башланмышдыр вә һазырда да истинтагы давам етдирлир. "ҺАМИ" бу һәбсин тамамилә әсассыз олдуғу вә диҝәр мотивләрлә бағлы олдуғуна әминдир. Беләки, наркотик сахламаға ҝөрә иттиһам етмә Азәрбајҹан һакимијјәтинин әнәнәви тәзјиг методудур. Индијәдәк бу методдан истифадә етмәклә јүзләрлә шәхс һагсыз иттиһама мәруз гојулмушдур. "ҺАМИ" һесаб едир ки, Ниҹат Әлијевин һәбси онун давамлы олараг мәктәбләрдә һиҹаб гадағасына етираз билдирән мәгаләләр јазмасы илә бағлыдыр. Бу барәдә журналист өзү дә дәфәләрлә бәјан етмишдир.
"ҺАМИ" бәјан едир ки, Ниҹат Әлијевин һәбси сөз азадлығынын шүбһәсиз позунтусудур вә буна ҝөрә дә онун иҹтимаи мүдафиәси ҝүҹләндирилмәлидир. Бу мәгсәдлә журналистин иҹтимаи мүдафиәсинә гошулдуғумузу вә Ниҹат Әлијев азадлыға бурахыланадәк фәалијјәтимизи давам етдирәҹәјимизи билдиририк.
Диггәт: Хәбәрдән истифадә етдикдә мәнбәјә истинад лазымдыр
