Әһли Бејт -АБНА- хәбәр аҝентлијинин вердији хәбәрә әсасән Араз Гулијев Масаллы рајонунда фәалијјәт ҝөстәрән "Xeber44.com" сајтынын баш редакторудур
Репортјорларын Азадлыг вә Тәһлүкәсизлик Институтунун әмәкдашы Идрак Аббасов бу барәдә Исламазери.аз-а мәлумат вериб.
Идрак Аббасов билдириб ки, "Араз Гулијевин ады сијаси мәһбуслар сијаһысына әлавә едилиб. Бундан башга Авропа Шурасынын һазырладығы 9 ајлыг һесабатда да Араз Гулијевин һәбси арашдырылыб. Авропа Бирлији вә диҝәр тәшкилатлара Араз Гулијевлә бағлы мәлуматлар тәгдим етмишик".
Бир нечә ҝүн өнҹә Араз Гулијевин мәһкәмәси кечирилиб вә онун истинтаг мүддәти даһа 2 ај узадылыб.
Хатырладаг ки, дүнјанын дөрд ҝүшәсиндә јашајан “үздәнираглары” ҹәмләјиб Гејрәтли Азәрбајҹан дијарына ҝәтиздирән әлијевләр сүлаләси, 08 сентјабр 2012 тарихдә Масаллы рајонунда бејнәлхалг фолклор фестивалы ады алтында “мини евровисион” шөһрәтли, јарычылпаг рәггасәләрдән ибарәт дискотека тәдбирин кечиртмәклә бир даһа позғун вә үздәнираглара олан сајғыларын ортаја гојмушлар.
Бу позғунчулуға етираз олараг Масаллы Диндарлары “дискотека”нын кечирилән мәнтәгәсинә ҝәләрәк бәднам тәдбирин кечирилмәсин, милли вә мәнәви дәјәрләрә зидд олмасыны вә бу ишин Азәрбајҹан дејил мәһз ермәни менталитетинә ујғун олдуғуну вурғуламышлар. Лакин режим структурларына аид олан полис вә мтн ишчиләри диндарлары резин дәјәнәкләрлә дөјәрәк полис идарәсинә апармыш. Вә беләликлә дә Талыш Бөлҝәсиндә диндарлара гаршы габагҹадан һазырланмыш “репресија диваны”н һәјата кечиртмишләр.
Олајла бағлы "Xeber44.com" сајтынын баш редактору Араз Гулијев дә пешә вәзифәсини јеринә јетирәркән һәбс олунуб.
Диггәт: Хәбәрдән истифадә етдикдә мәнбәјә истинад лазымдыр
