Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда әлијевләр сүлаләсинин тәмәлини гојан, кечмиш КГБ нүмајәндәси Һејдәр Әлијевин Мексика пајтахты Мехикода гојулмуш һејкәли әтрафында јаранмыш галмагал давам едир.
Өтән ај бир груп мексикалы һүгуг мүдафиәчиси вә иҹтимаи фәалын Һејдәр Әлијевин һејкәли гаршысында аксија кечирәрәк абидәнин гојулмасына етиразларыны билдирибләр. Онлар Азәрабҹајдан инсан һаглары вә сөз азадлығынын мәһдудлашдырылмасы просесинин мәһз Һејдәр Әлијевин һакимијјәти илләриндә башландығыны әсас ҝәтирибләр.
Мехико шәһәр рәһбәрлији дә бу етиразлары нәзәрә алараг хүсуси арашдырма комиссијасы јарадыб. Һәмин комиссија Һејдәр Әлијевин һејкәлинин гојулмасынын гануназидд тәрәфләрини арашдырмалы олаҹаг. Арашдырмалардан сонра комиссијанын хүсуси рәји һазырланаҹаг вә пајтахт рәһбәрлијинә тәгдим едиләҹәк. Мехико шәһәр меријасынын шөбә мүдири Фелипе Лил “Ассоҹиатед Пресс” аҝентлијинә ачыгламасында билдириб ки, јарадылмыш комиссија етиразлары објектив арашдыраҹаг.
Азәрбајҹанын Мексикадакы сәфирлијинин катиби Мануел Луна аҝентлијә дејиб ки, Һејдәр Әлијевин паркдакы һејкәлинин ҝөтүрүлмәси шәһәр үчүн проблеләр јарада биләр. Чүнки паркын салынмасы вә һејкәлин орада сахланмасы мүгавилә илә тәнзимләниб. Һәмин мүгавиләнин мүддәти исә 99 илдир. Катиб ики өлкә арасында да дипломатик проблемләр јарана биләҹәјини дә истисна етмәјиб.
Диггәт: Хәбәрдән истифадә етдикдә мәнбәјә истинад лазымдыр
