Әһли Бејт -АБНА- хәбәр аҝентлијинин вердији хәбәрә әсасән Сәудијјә Әрәбистанында сәләфи тәләбәләрдән тәшкил олунмуш "әл-Амирунә бил-мәруф вән-наһјунә әнилмүнкәр" полиси Бәги гәбиристанлығыны зијарәт едән бир груп шиә ханымларына һүҹум едәрәк онларын бу мәканда дәфн едилән Мәсум Имамлары (ә) вә мүгәддәсләри зијарәт етмәләринә манеә төрәтмишләр.
Сәләфиләр зәвварларa гаршы зоракылыг ҝөстәрәрәк гәбиристанлыгдан узаглашдырыблар.
Полисләр илк өнҹә ханымлара зијарәтнамә охумаға вә телефонла чәкилиш апармаға манеә төрәдиб. Диҝәр полис исә сәс-күј салараг ханымлара мүшрик, кафир, рафизи кими сөзләрлә тәһгир едәрәк гәбиристанлыгдан узаглашдырыб.
Ишин марағлы тәрәфи бурасындадыр ки, Бәги Гәбирстанлығында бир нечә јердә бөјүк таблоларда Аишәдән нәгл олунан рәвајәтләр јазылыб. Вә бу рәвајәтләрдә Әзәмәтли Ислам Пејғәнбәринин (сәлләлаһу әлејһи вә алиһ) гәбирстанлыға ҝәләрәк мүсәлманларын гәбирләринә салам вә мүшрикләрин гәбирләринә исә онларын Аллаһын вердији вәдләрин һагг олмасыны суал едәрмиш...
Билдирәк ки, Сәләфи полис алајынын әсас идарәси Мәдинә шәһәриндә јерләшән Бәги гәбиристанлығынын зирзәмисиндә јерләшир. Онлар мәсум шәхсләрин вә дигәр мүгәддәсләрин гәбирләрини зијарәт едиб онлара фатиһә охумаға белә имкан вермирләр.
Диггәт: Хәбәрдән истифадә етдикдә мәнбәјә истинад лазымдыр
