Организмин һасил етдији шлаклар дәриалты бирләшдириҹи тохумада јығылыр ки, нәтиҹәдә дәри алтында "портағал габығына" бәнзәр наһамарлыг вә тәпәләр әмәлә ҝәлир. Селлүлит проблеми бирдән јаранмыр, лимфаларын дөвраны вә тохума-минерал балансы арасындакы дисбаланс илләрлә мејана ҝәлир. Дүнјада гадынларын 90-95%-и селлүлитдән әзијјәт чәкир.
Бәзиләри буну проблемә чевирмәсә дә, проблеми арадан галдырмаг үчүн ағласығмаз пәһризләрдән тутмуш ҹәрраһијјә әмәлијјатына гәдәр васитәләрдән истифадә едәнләр дә аз дејил.
Бу јазыда селлүлитдән горунма јоллары вә мүалиҹә үсуллары илә бағлы терапевт, тибб хидмәтнин баш лејтенанты, Н сајлы һәрби һиссәнин тибб тәминаты хидмәтинә ҹавабдеһ забит Азәр Исмајыловун төвсијәләрини сизләрә тәгдим едирик.
Һәким билдирир ки, селлүлит ана хәтти илә нәсилдән-нәслә, анадан гызына кечир. Онун јаранмасына әсас сәбәб исә һормонал позғунлуг, мәдәалты вә галханвари вәзинин функсијасынын позғунлуғу, чиркли еколоҝија, дүзҝүн гидаланмама, стресс, сигарет, спиртли ички алудәчилији вә башга пис вәрдишләрдир.
Антиселлүлит кремләр
Проблемли саһәләрә антиселлүлит васитәләрлә гуллуға нә гәдәр тез башласаныз, еффект бир о гәдәр јахшы олаҹаг. Бу ҝүн елә гадын тапылмаз ки, антиселлүлит кремләр барәдә ешитмәсин. Истәнилән косметик компанија антиселлүлит кремләри истеһсал едир. Амма бу кремләрдән дүзҝүн истифадә етмәк лазымдыр.
Ән башлыҹасы антиселлүлит кремини јумшаг масаж һәрәкәтләри илә сүртмәкдир. Бу јолла бир ҝүллә илә ики довшан вурмуш олаҹагсыныз - һәм өзүнүзә масаж едәҹәк, һәм дә кремин антиселлүлит хүсусијјәти даһа јахшы ҝөрүнәҹәк. Ән еффектив олан кремләр тәркибиндә А витамини, бадам, мүхтәлиф микроелементләр, кофеин вә ферментләр оландыр. Иш ондадыр ки, белә кремләр антиселлүлит еффект вермәклә бәрабәр, дәринин вәзијјәтини јахшылашдырыр. Бу кремләрин нәтиҹәси тез ҝөрүнсә дә, онлардан селлүитин биринҹи мәрһәләсиндә истифадә етмәк мәсләһәтдир. Антиселлүлит кремләр сизә селлүлитин башланғыҹ мәрһәләсиндә көмәк едәҹәк. Нәтиҹәни исә истифадәдән бир нечә һәфтә сонра ҝөрәҹәксиниз. Амма унутмајын ки, селлүлитдән гуртулмаг үчүн тәкҹә кремләр кифајәт дејил.
Антиселлүлит пәһриз
Селлүлитин мејдана ҝәлмәмәси үчүн дүзҝүн гидаланма мүтләгдир. Селлүлозла (јармалар, кобуд үјүдүлмүш чөрәк), витамин вә минералларла (сүд, јағсыз балыг, тәрәвәз, мејвә) зәнҝин олан әрзаглар јејин. Јунан габағы, көк, ситрус мејвәләринә, гара үзүмә вә гушүзүмүнә хүсуси мараг ҝөстәрин, белә ки, онларда пиј мүбадиләсини тәнзимләјән биоложи актив маддәләр вар.
Чох јејин… Тез-тез кәләм јејин. О, пији әридир вә маје галығыны организмдән хариҹ едир.
Мејвә вә ҝиләмејвәләрдән (чијәләк, гарағат, моруг) бол-бол јејин. Белә ки, мејвә һәзметмәни активләшдирир вә маддәләр мүбадиләсини јахшылашдырыр.
Картоф гәбулу селлүлитлә мүбаризәдә мүтләгдир. Картоф дәрини даһа еластик едир вә тәркибиндәки калиум организмдән мајени хариҹ едир.
Соған пијин чатламасына сәбәб олан дәмир, калсиум, магнезиумла зәнҝиндир. Соғанын тәркибиндәки ефир јағлары организмдән мајени чыхаран һәзметмә просесини стимуллашдырыр.
Сүд вә сүд мәһсулларындан, јумуртадан чәкинмәдән истифадә един.
Балыг вә тојуг әти јемәк мәсләһәтдир.
Аз јејин…Кәрә јағы, маргарин вә еләҹә дә битки јағларыны (зејтун јағыны чыхмаг шәрти илә) аз гәбул един.
Тәркибиндә һејван пији олан әрзагларын гәбулуну азалдын.
Шоколаддан имтина един.
Ширнијјатлардан - торт, пирожна, кекс, печенједән узаг дурун.
Бутерброд, фаст-фуд јемәкләриндән јан кечин.
Монопәһризләрә (алмалы, кәсмикли, гатыглы пәһриз) баш гошмајын.
Дуз вә чипсләрин гәбулуну сыфра ендирин.
Әт вә һолланд пендирләри дә селлүлитә шәраит јарадыр.
Ҝүндә 1,5-2 литр маје гәбул един - селлүлитлә зәдәләнән тохума сусузлугдан әзијјәт чәкир. Тәбии ширәләр, итбурну дәмләмәси, јашыл чај ичин (амма сојуг һалда јох, сојуг су ҹана чәтин һопур). Сусузлуғу јемәкарасы јатырдын, о заман шлаклар организмдән даһа еффектив хариҹ олаҹаг.
Шлаклары тәмизләмәк үчүн тозағаҹы јарпагларындан һазырланмыш ҹөвһәр јахшы көмәк едәҹәк. Гида гәбулу арасы исти ҹөвһәрдән бир стәкан ичмәк мәсләһәтдир. Башга сидикговуҹу отлардан да истифадә етмәк олар.
Һәр ҝүн ајран ичин, амма тәркибинә чијәләк, гараҝилә гатылмыш формада. Ајран һәзметмә просесини јахшылашдырыр, ҝиләмејвәләр исә пиј тохумаларынын структуруну норм
