Әһли Бејт -АБНА- хәбәр аҝентлијинин вердији хәбәрә әсасән рәсми Бакы АБШ рәзиллијинә гаршы дүнја мүсәлманларынын етиразларындан даһа тәсирли әмәли президент Илһам Әлијевин ҝөрдүјүнү иддиа едир.
Азәрбајҹан Республикасы Президент Администрасијасынын (ПА) шөбә мүдири Әли Һәсәнов сон ҝүнләр АБШ истеһсалы олан Ислам дәјәрләрини тәһгир едән филми вә Франса гәзетиндә Һәзрәт Мәһәммәд пејғәмбәри (с.ә.с) тәһгир едән карикатуранын дәрҹини писләјән етиразлара мүнасибәтдә дејиб: “Бу аксијаларын бу формада кечирилмәси бејнәлхалг сијасәтә вә јахуд да бу әмәли төрәдәнләрә нә дәрәҹәдә тәсири олуб-олмамасыны һәлә заман ҝөстәрәҹәк. Амма биз ондан да тәсирли тәдбирләр ҝөрүрүк!!”
Әли Һәсәнов әлавә едиб:”Мәсәлән, Азәрбајҹан президенти ҹәнаб Илһам Әлијев бу ҝүнләрдә һәмин бу бејнәлхалг галмагалын, Исламын тәһгир олундуғу бу дөврдә Франсанын пајтахтында Ислам Мәдәнијјәт мәркәзи вә Ислам дәјәрләрини әкс етдирән хүсуси ҝушә ачмасы даһа тәсирлидир!!”
Әли Һәсәнов ибһамлы мөвге сәрҝиләјәрәк дејиб: ”Әлбәттә, Азәрбајҹан һакимијјәти олараг биз бу анлары писләјирик, буну төрәдәнләри ән ағыр шәкилдә ләнәтләјирик. Ислам мүгәддәсләринин вә дининин сафлығынын горунмасы, онун террорла ејниләшдирилмәсинин гаршысынын алынмасы кими саһәләрдә бир дөвләт олараг мүһүм ишләр ҝөрүрүк!!"
Гејд етмәк лазымдыр ки, бир чох мүсәлман өлкәләриндә олдуғу кими Азәрбајҹан Республикасында да Бакы шәһәриндә, Ләнкәран вә диҝәр јерләрдә мүсәлман әһали АБШ рәзаләтини писләјән аксијалар кечирибләр. Лакин, Бакыда полис гүввәләри мүсәлман халгын аксијасына мане олуб вә иштиракчыларын бир чохуну һәбс едиб.
Диггәт: Хәбәрдән истифадә етдикдә мәнбәјә истинад лазымдыр
