Әһли Бејт -АБНА- хәбәр аҝентлијинин вердији хәбәрә әсасән азәрбајҹанда диндар кәсимә гаршы репресијалар давам етмәкдәдир. Белә ки, Азәрбајҹанын милли вә мәнәви дәјәрләрини ашылајан бәднам евровисион фәсад мүсабигәсинә кәскин етиразын билдирәндүнән Руһани Һаҹы Илгар Әлијев гондарма иттиһамларла тәгсирләнәрәк әлијевләр тәрәфиндән һәбс едилмишдир. Руһанинин гондарма иши илә бағлы 11 сентјабр 2012-дә сәһәр саатларында Ҹәлилабад шәһәриндә гондарма мәһкәмә кечирилиб.
Мәһкәмә иҹласында шаһидин ифадәсинин јалан олмасына етираз едән руһани дејиб: "Дининиз јохдурса, һеч олмаса кишилијиниз олсун.”
Мүбариз руһани Һаҹы Илгар Әлијевин нөвбәти мәһкәмәси исә бу ҝүн дә 12 сентјабрда сәһәр саат 9-да кечирилиб.
Мәһкәмә иҹласында 2 шаһид диндирилиб. Онлардан бири полис, диҝәри исә полис бөлмәсиндә ахтарыш заманы иштирак етмиш һал шаһиди олуб.
Полис мәһкәмәдәки ифадәсиндә билдириб ки, Һаҹы Илгар Әлијеви јахшы инсан кими таныјыр.
Һал шаһиди исә ахтарыш заманы наркотикин руһанинин ҹибиндән чыхдығыны иддиа едиб. Руһани Илгар Әлијев буна етираз едәрәк билдириб: "Зилләт вә рәзиллик биздән узагдыр"
Мәһкәмәнин вахты ҝизләдилсәдә иҹласда 30 диндар вә руһанинин аиләси иштирак едиб.
Һаким нөвбәти мәһкәмә иҹласынын кечириләҹәји вахты бу мәһкәмәдә дә ачыгламајыб.
Диггәт: Хәбәрдән истифадә етдијдә мәнбәјә истинад лазымдыр
