Әһли Бејт -АБНА-хәбәр аҝентлијинин вердији хәбәрә әсасән Үмумдүнја Әһли-Бејт (әлејһимус сәлам) Ассамблејасынын баш катиби Һөҹҹәтүл Ислам вәл Мүслимин ҹәнаб Муһәммәд Һәсән Әхтәри Теһранда кечирилән Гошулмама Һәрәкатынын 16-ҹы Саммитиндә иштирак едән мүхтәлиф өлкәләрин президентләринә вә дөвләт нүмајәндәләринә дүнјада мәзлум Шиәләрин Һаггларында мүдафиәјә галхмагдан өтрү Мүраҹиәт едиб.
Мүраҹиәтин там мәтнин сајтымызын зијарәтчиләринә тәгдим едириј:
Бисмиллаһир Рәһманир Рәһим
Үмумдүнја Әһли-Бејт (әлејһимус сәлам) Ассамблејасы Иран Ислам Республикасында Гошулмама Һәрәкатынын 16-ҹы Саммитинин кечирилмәсиндән севинҹ һисси дүјараг, конфрансда иштирак едән ГҺ-ја үзв олан өлкә башчыларына вә али мәгамлы дөвләт нүмајәндәләринә хош ҝәлдиниз дејир вә бу гијмәтли вә дәјәрли Саммитдә, бүтүн иштирак едән мүхтәлиф өлкә башчыларына, али мәгамлы дөвләт нүмајәндәләринә чохлу мүвәффәгијјәтләр арзулајараг, бу иҹласын сүлһ вә тәһлүкәсизлијин дүнјада (хүсуси илә дә ГҺ-ја үзв олан өлкәләрдә) бәргәраг олмасындан өтрү, дөвләтләрин вә милләтләрин бир-биринә даһа да јахынлашмасында мүһүм рол ојнамасына үмүд едәрәј, јохсуллуғу, иҹтимаи әдаләтин инкишафы, хејрхаһлыг вә әмәкдашлығын чохалмасы, дөвләтләрин вә халгларын бир-бири илә гаршылыглы әлагәләрин мөһкәмләшмәси, бејнәлхалг мигјасда зәифләрин, һагглары тапданмышларын вә азлыгларын һаггларындан мүдафиә едәрәј, онларын динләрарасы әмәкдашлыг зәмининдә вә халгларын бир-биринә јахынлашмасы үчүн һүгугларындан һимајәт етмәнизи арзулајыр.
Һазыркы дурумда дислокасијаларын, халгларын мүгәддәсләринә һөрмәтсизлијләрин, азлыгда оланларын гәтлә јетирилмәсинин, мәзлумларын ҹанына, малына вә намусларына гәсд едилмәсинин шаһидијик. Бир нечә ај өнҹә бәзи өлкәләрдә вә дүнјанын бәзи мәнтәгәләриндә Мүсәлманлара, хүсуси илә дә Әһли-Бејт (әлејһимус сәлам) Мәктәбинин давамчыларына гаршы едилән тәҹавүзләр нәтиҹәсиндә ҝүнаһсыз инсанлар гәтлә јетирилмиш вә мүгәддәс мәканлар дағыдылмышдыр. Гошулмама Һәрәкатына үзв өлкәләрин лидерләриндән хаһиш едириј, дашыдығыныз мүһүм мәсулијјәтинизи нәзәрә алараг, бәшәријјәтә, динләр вә онларын ардыҹылларына өз һуманитар јардымларынызы едәрәј, мәнфи һадисәләрин баш вермәсинин гашысыны алмагда еффектив вә мүвафиг аддымларынызы атасыныз.
Бу мәгсәдлә дүнјада јеҝанә Нонпрофит (ҝәлирсиз) мүаәссисә олан вә дүнја үзрә бүтүн Әһли-Бејт Мәктәбинин давамчылары илә сых әлагә сахлајан, Үмумдүнја Әһли-Бејт (әлејһимус сәлам) Ассамблејасы Гошулмама Һәрәкатынын 16-ҹы Саммитиндә иштирак едән бүтүн нүмајәндәләрдән ашағыдакы садалананлара диггәт јетирмәји вә бунлары нәзәрдән кечирдәрәј тәсдигләјиб давамлы сәјләрлә һәлл етмәләрини истәјир:
1. Бу өлкәләрдә азлыг тәшкил едән динләрин, хүсуси илә дә Әһли-Бејт (әлејһимус сәлам) Мәктәбинин давамчыларынын һагглары рәсмән танынараг һөрмәтлә јанашылсын, вә ганун бахымындан һимајәт олунсунлар.
2. Әһли-Бејт (әлејһимус сәлам) Мәктәбинин давамчылары јашадыглары өлкәләрдә диҝәр дин вә мәзһәб ардыҹыллары олан вәтәндашлар кими һеч бир тәзјиг ҝөрмәдән азадҹасына өз дин вә мәзһәб ајинләрин һәјата кечирдә билсинләр вә бу јөндә онлардан һимајәт олунсун.
3. Онларын дини, мәзһәби ајин вә мәрасимләриндән һимајәт олунсун.
4. Гошулмама Һәрәкатына үзв өлкәләр азлыг тәшкил едән Әһли-Бејт (әлејһимус сәлам) Мәктәбинин давамчыларына гаршы һәр һансы зүлм едилмәсинә јол вермәмәлидир.
5. Онларын һаггларына, ҹанларына, намус вә малларына тәҹавүз едән һәр бир шәхс өз гејриинсани ҹинајәтинин ҹәзасын алмалыдыр. Бу јөндә бир сыра ишләр ҝөрүлмәлидир ки, ҝәләҹәкдә бир даһа белә ҹинајәтләр баш вермәмәлидир.
6. Мөһтәрәм дөвләтләр дини шәхсијјәтләрин, халг арасында нүфуза малик олан елитанын мәнәви гүдрәт вә сөз кечәнлијиндән истифадә едәрәј иҹтимаијјәтдәки мөвҹуд һәјәҹаны арадан галдырараг јенидән сабитлији халглара гајтарсынлар.
7. Һәмчинин Гошулмама Һәрәкатына үзв олан дөвләтләрин һөрмәтли мәсулларындан бәзи сиајси шәхсијјәтләрин, дин рәһбәрлијини иддиа едәнләрин тәһрикедиҹи чыхышларынын, гәтл төрәдиб, ҹан, намус, мала тәҹавүз едиб, мүгәддәс дини мәканлары дағыдыб халглар арасында гаршыдурмаја сәбәб олан һөкүмләринин гаршысын аласыны тәләб едириј.
Сонда Үмумдүнја Әһли-Бејт (әлејһимус сәлам) Ассамблејасы фүрсәти гәнимәт биләрәј бир даһа сизләрә ишләриниздә уғурлар арзулајыб мүвәффәгијјәтләр әлдә етмәнизи диләјир вә бу “хејр ишдә” (гаршы дурмаларын арадан галдырылмасында) јардымчы оланлара сәмими тәшәккүрүмүзү билдиририј.
Һөрмәтлә
Үмумдүнја Әһли-Бејт (әлејһимус сәлам) Ассамблејасынын баш катиби
Муһәммәд Һәсән Әхтәри
Диггәт: Хәбәрдән истифадә етдијдә мәнбәјә истинад лазымдыр
