Әһли Бејт -АБНА- хәбәр аҝентлијинин вердији хәбәрә әсасән Дини Етигад вә Виҹдан Азадлыгларынын Мүдафиә Мәркәзи сон 1 ај әрзиндә ардыҹыл олараг 2 сијаси мәһбусун һәбсханада дүнјасыны дәјишмәси илә бағлы бәјанат гәбул етмишдир.
Мәркәзин сәдри Һаҹы Илгар Ибраһимоғлунун јајдығы бәјанатда билдирилир: “Бөјүк нараһатчылыг һисси илә билдиририк ки, сон 1 ај әрзиндә инанҹлы сијаси мәһбуслардан далбадал 2 нәфәри азадлыгдан мәһрумедилмә јерләриндә дүүнјасыны дәјишмишләр. Ијулун 12-дә Һаҹы Вагиф Абдуллајев, августун 15-дә исә Һаҹы Фүзули Новрузов һәбсхана шәраитиндә фаҹиәли сурәтдә вәфат етмишләр.
Гејд етмәлијик ки, һәм Һаҹы Вагиф Абдуллајев, һәм дә Һаҹы Фүзули Новрузов гејри-објектив вә гәрәзли кечирилән мәһкәмәләрин һеч бир сүбута вә дәлилә әсасланмајан һөкмләри илә азадлыгдан мәһрум едилмишләр. Бу бахымдан, һәр икиси сијаси мәһбус кими танынмышлар. Гејри-һүгуги олараг, азадлыгдан мәһрум едилмәләри азмыш кими, сәһһәтләриндә ҹидди проблем олан инсанлар лазыми тибби јардым алмамыш, пис шәраит нәтиҹәсиндә хәстәликләри шиддәтләнмиш, нәтиҹәдә онлар фаҹиәли сурәтдә дүнјаларыны дәјишмишләр. ДЕВАММ олараг, Һаҹы Вагиф Абдуллајевин вә Һаҹы Фүзули Новрузовун вәзијјәтләринин бу һала ҝәлмәсиндә ҝүнаһкар оланларын ашкар едилиб ҹәзаландырылмаларыны тәләб едирик. Биз бәјан едирик ки, өлкәнин тәҹридетмә мүәссисәләриндә сијаси мәһбусларын фаҹиәли вә мүәммалы сурәтдә дүнјадан көчмәси артыг бир тенденсија һалына ҝәлмишдир вә биз буна ән кәскин етиразымызы билдиририк.
Биз, рәһмәтә ҝедәнләрин аиләләринә бир даһа дәрин һүзнлә башсағлығы веририк. Биз бәјан едирик ки, Һаҹы Вагиф Абдуллајевә вә Һаҹы Фүзули Новрузова гаршы сәрҝиләнән бу рәфтар - ән үмдә конститусион һүгуг вә азадлыгларын позулмасы демәкдир. Биз, сијаси мәһбусларын һәјат вә сағламлыгларына бирбаша вә ашкар тәһлүкәнин мөвҹудлуғундан нараһатлығымызы билдирир, бу саһәдә вәзијјәтин тәҹили дүзәлдилмәсини, сијаси вә диҝәр мәнсубијјәтиндән асылы олмајараг, һәр бир вәтәндашын о ҹүмләдән азадлыгдан мәһрумедилмә јерләриндә дә һүгугларынын горунмасыны тәләб едирик.
ДЕВАММ олараг, бу мүәммалы фаҹиәли өлүмләрин һәртәрәфли арашдырылмасы үчүн компетент вә сәлаһијјәтли комиссијанын тәшкил едилмәсинә исрарлы чағырыш едирик.
Диггәт: Хәбәрдән истифадә етдикдә мәнбәјә истинад лазымдыр
