Әһли Бејт -АБНА- хәбәр аҝентлијинин вердији хәбәрә әсасән һәбсханаларда вәзијјәтин дөзүлмәзлији сирр дејил. Пенитенсиар Хидмәтин рәһбәри дәјишдикдән сонра вәзијјәтин дә дәјишәҹәји дүшүнүлүрдү ки, һәләлик бу баш вермәјиб. Гобустан һәбсханасында баш верәнләри әсас ҝөтүрсәк, диҝәрләриндә дә дурумун ејнијјәт тәшкил етдијини демәк мүмкүндүр.
Дүнәндән етибарән Күрдәханыдакы һәбсханада вәзијјәт писләшмәјә башлајыб. Һәбсхана рәһбәрлијинин төрәтдији өзбашыналыг, сахланылма шәраитинин бәрбад вәзијјәтдә олмасы, рүшвәтин түғјан етмәси вә мәһбусларла гуллара ҝөстәрилән мүнасибәтин сәрҝиләнмәси онлары ајаға галдырыб.
Мәлуматда дејилир ки, јүзләрлә мәһбус һәбсхана рәһбәрлијинә гаршы чыхараг, онун вәзифәсиндән азад едилмәсини тәләб едирләр. Һәмчинин онлар тәләб едирләр ки, сахланылма шәраитләри јахшылашдырылсын вә мәһбусларла инсан кими давранылсын.
Диггәт: Хәбәрдән истифадә етдикдә мәнбәјә истинад лазымдыр
