Әһли Бејт -АБНА- хәбәр аҝентлијинин вердији хәбәрә әсасән “Лалели Һилтон” отелиндә журналистләрлә ҝөрүшән Түркијәнин ҝөмрүк вә тиҹарәт назири Һајати Јазыҹы билдириб: “Түркијә бу ҝүндән етибарән Сурија илә сәрһәддә јерләшән әксәр нәзарәт-бурахылыш мәнтәгәләрини бағлајыр”.
Назир, әксәријјәти мүхалиф гүввәләрин нәзарәтиндә олан ҝөмрүк мәнтәгәләринин тәһлүкәсизлијин тәминаты мәгсәди илә мүвәггәти бағланылаҹағыны билдириб.
Һајати Јазыҹы даһа сонра дејиб: “Ҹилвеҝөзү, Өнҹүпынар, Каркамыш мәнтәгәләри бағланаҹаг. Бурдан вәтәндашларымызын Суријаја ҝирши мүвәггәти олараг дајандырылаҹаг. Јалныз Акчакале вә Јајладағ мәнтәгәләри фәалијјәтләрини давам етдирәҹәкләр".
Диггәт: Хәбәрдән истифадә етдикдә мәнбәјә истинад лазымдыр
