Әһли Бејт -АБНА- хәбәр аҝентлијинин вердији хәбәрә әсасән Бакыда кечирилән “Авровизија-2012”нин баша чатмасы илә Азәрбајҹан Республикасында сијаси репрессијалар бир нечә дәфә артыб.
Сијаси мүхалифләрә гаршы репрессијалар вә тәзјигләрин тамамилә ашкар вә ајдын характер алдығы шәраитдә, рәсми Бакы билдириб ки, Ислам Партијасынын сәдри Мөһсүн Сәмәдов ҹидди режимли ҹәзачәкмә мүәссисәсинә көчүрүлүб.
Азәрбајҹан Республикасында ҹидди режимли ҹәзачәкмә мүәссисәләриндә мәһбуслар һәтта ачыг һаваја чыхмагдан белә мәһрумдурлар.
Әлбәттә, бунлар Бакынын “Авровизија” мәғлубијјәтинин јеҝанә ҹәһәтләри дејилләр.
Бу маһны мүсабигәсиндә инҝилис дилиндә ифа едилән “Мусигинин өлдүјү заман” мусиги парчасы илә “Авровизијада” иштирак едән Азәрбајҹанын мусиги командасы бајағы мусиги тәрәфдарларынын белә диггәтини ҹәлб едә билмәјәрәк, мәғлубијјәт илә үзләшди. Бу “Авровизија”да Бакынын јеҝанә мәғлубијјәти дејилди. Белә ки, бу маһны мүсабигәси Бакы үчүн диҝәр мәғлубијјәтләр илә дә јанашы олду. Сијаси, иҹтимаи, мәдәни, игтисади вә һәрби мәғлубијјәтләр.
“Авровизија” маһны мүсабигәси илә паралел олараг Бакыда “Ҝеј Парад”ын кечирилмәси хәбәринин елан олунмасы Азәрбајҹан Республикасында ҝениш халг етиразларына вә дин алимләринин тәнгидләринә сәбәб олду. Нәтиҹәдә, Бакы истәр-истәмәз бу тәдбирин кечирилмәсиндән ваз кечди. Бакынын “Ҝеј Парад”дан мәҹбури шәкилдә ваз кечмәси Бакы рәсмиләринин дүшүнүлмәмиш, әсәби вә тәһгирамиз һәрәкәтләри илә јанашы олду. Буда Бакы үчүн нөвбәти рүсвајчылыгла нәтиҹәләнди. Чүнки, Бакы тәрәфиндән ишә ҹәлб олунан муздлу үнсүрләр вә Ҝеј Парад тәрәфдарлары бу тәдбирин ләғв едилмәси үзрә иҹтимаи тәзјигләрдән гәзәбләндикләри үчүн дин алимләри вә мүгәддәсләринә һөрмәтсизлик етдиләр. Елә бу да бу чиркин һәрәкәтин тәшкилатчылары үчүн нөвбәти башағрысына вә рүсвајчылыға сәбәб олду.
Бакынын, Гәрбин разылығыны әлдә етмәк үчүн Ҝеј Парадын кечирилмәсинә јашыл ишыг вердији һалда, Бакынын мәҹбури шәкилдә бу јолверилмәз һәрәкәтдән ҝери аддым атмасы, гәрб дөвләтләри, гурумлары вә һомосексуалларынын нараһатлығына сәбәб олду. Хүсусилә она ҝөрә ки, Бакыда һомосексуалларын парадынын кечирилмәси үчүн тәјин едилмиш замандан дүз бир нечә ҝүн өнҹә АБШ президенти Барак Обама Америкада ејниҹинслиләрин евлилијини һимајә етди. Белә бир шәраитдә Бакыда Ҝеј Парадын ләғв едилмәси рәсми Бакынын Гәрб јанында етибарына ҹидди зәрбә вурмуш олду.
Амма, Бакыда Ҝеј Парадын кечирилмәсинин вә даһа сонра ләғв едилмәсинин елан олунмасы илә бағлы мәғлубијјәтдән даһа өнәмлиси, Авровизија маһны мүсабигәсинин кечирилмәси иди ки, Бакы үчүн даһа ағыр мәғлубијјәтләр илә јанашы олду.
Белә ки, Авровизија-2012 маһны мүсабигәсини Бакы үчүн һәлә өнҹәдән мәғлубијјәтә дүчар олмуш һесаб етмәк оларды.
Азәрбајҹан Республикасы Авровизија-2012 үчүн дөвләт бүдҹәсиндән күлли мигдарда вәсаит ајырды вә бүтүн бу вәсаит һәдәр олду. Һалбуки, Авропа өлкәләри бу маһны мүсабигәсинин кечирилмәси заманы она сон дәрәҹә аз вәсаит ајырырлар. Бакы исә сырф Авровизија-2012 үчүн хәрҹләнән вәсаитин 50 милјон авро олдуғуну етираф етди.
Һәмчинин, мүсабигәнин кечирилмәси үчүн мәхсус залын гурашдырылмасына вә она ҝедән јолларын чәкилмәсинә һабелә, өлкәјә ҝәләҹәји тәсәввүр едилән 30 мин хәјали туристи гаршыламаг үчүн дүзәлдилән әјләнҹә мәркәзләринә үмумиликдә о гәдәр ири мәбләғ ајрылмыш олду ки, рәсми Бакы бу рәгәми елан етмәјә белә ҹүрәт етмир. Бакынын 30 минлик хәјали туристләр үчүн ачдығы гырмызы халча үзәриндән кечән гонагларын сајы исә 700 нәфәрдән дә аз олду. Авропалы туристләрин сајынын бу гәдәр аз олмасы исә сәбәб олду ки, Авровизија-2012 маһны мүсабигәсинин кечирилмәси үзрә хүсуси дөвләт комитәсинин сәдри олан Меһрибан Әлијева хәҹаләтиндән маһны мүсабигәсинин ачылыш мәрасиминдә иштирак етмәсин.
Һәгигәтдә, Бакы Авровизија-2012 үчүн динини дә, дүнјасыны да сатды вә “Һәм дүнја, һәм дә ахирәтдә зәрәрә уғрајанлар”дан олду.
Рәсми Бакы өз вәтәндашларынын евләрини авропалы туристләр ҝәләҹәк дејә виран етди вә ағыр хәрҹләр һесабына мүхтәлиф инфраструктурлар јаратды. Амма, хариҹи гонаглар узун мүддәт Бакынын ҝөзүнү јолда гојдугдан сонра, инанылмаз бир шәкилдә Бакынын бу дәбдәбәли гонаглығында иштиракдан имтина етдиләр. Һалбуки, Бакынын бу вәфасыз гонагларына ҝөрә евләри дағыдылан садә вә ҝөзүјашлы вәтәндашларын Бакы рәсмиләринә ләнәт охумаг үчүн әлләри һәлә дә ҝөјләрә узаныб. Бакы, Гәрбин хошуна ҝәлсин дејә, Азәрбајҹан Республикасы халгынын ән тәмиз инсанлары олан диндар вә руһаниләри күтләви шәкилдә һәбс етди вә диндарлара гаршы репрессијалары илә Сталин режиминин үзүнү “ағ” етди.
Бакы Авровизија үчүн дини, тарихи вә мәдәни бахымдан өзүнә ән јахын өлкә олан бир өлкә илә әлагәләрини тәһлүкәјә атды вә ики өлкә мүнасибәтләриндә ән сојуг дөврүн јаранмасына сәбәб олду. Белә ки, һәтта Азәрбајҹан Республикасынын кечмиш ифратчы милләтчи президенти Әбүлфәз Елчибәјин дөврүндә белә, ики өлкә әлагәләри бу гәдәр сојуглуғун шаһиди олмамышды. Һалбуки, Һејдәр Әлијев һакимијјәтә ҝәлдији заман Елчибәји вә онун һөкумәтини ләјагәтсизликдә иттиһам етмишди. Белә ки, һазырда Илһам Әлијев һөкумәти һәмишә олдуғундан вә һәтта Елчибәјин дөврүндә олдуғундан белә даһа артыг Һејдәр Әлијевин Елчибәјин һөкумәти һагда дедији фикирләрә лајиг һесаб олунур.
Бакынын Авровизија маһны мүсабигәсиндәки диҝәр мәғлубијјәти Бакынын бу маһны мүсабигәси илә бир вахтда Гарабағ мүнагишәси илә әлагәдар үзләшдији ағыр вәзијјәт иди. Гәрбли журналистләр Бакынын бүтүн ҝөзләнтиләринин әксинә олараг, Азәрбајҹаны дүнјаја танытмаг јеринә, јаранмыш фүрсәтдән истифадә едәрәк, Гарабағ мәсәләсиндә Ермәнистанын тәблиғат курсуну сечмиш олдулар. Вә Азәрбајҹаны дүнјаја ермәниләрә зүлм едән тәрәф кими танытдырдылар.
Белә бир шәраитдә, Ермәнистан һәрбчиләри фүрсәти гәнимәт биләрәк, Бакынын башынын Авровизија маһны мүсабигәсинә гарышдығы бир вахтда Азәрбајҹан Республикасы ордусунун мөвгеләрини давамлы олараг өз һүҹумларына мәруз гојдулар, Бакы исә хариҹи гонагларын вә бајағы мүғәнниләрин раһатлығы позулмасын дејә, һәтта атәшкәсин позулмасы һагдакы хәбәрләри ишыгландырмагдан белә чәкинди.
Азәрбајҹан Республикасынын Авровизија маһны мүсабигәси илә бағлы нөвбәти мәғлубијјәти өлкәдә гијмәтләрин артмасы вә јени баһалыг далғасынын һүҹум етмәси иди ки, маһны мүсабигәсинә ҝөрә артан хәрҹләрдән мәншә алырды. Һәгигәтдә, Авровизија-2012 маһны мүсабигәсинин истиси садә инсанларын әл-ајағыны говурду вә түстүсү әһалинин ҝөзләрини аҹышдырды. Мүтәхәссисләрин гәнаәтинә ҝөрә, гаршыдан ҝәлән ајлар әрзиндә Авровизијанын ҝәтирдији баһалыг далғасы даһа артыг һисс олунаҹаг. Чүнки, индијә кими Бакы рәсмиләри маһны мүсабигәсинин сакит атмосфердә кечмәси үчүн мүәјјән гәдәр халгын наразылығы илә һесаблашмаға мәҹбур иди. Амма, Бакы хариҹи гонагларын өлкәни тәрк етмәләри илә артыг белә бир ниҝаранчылыға малик олмајаҹаг.
Бүтүн бу мәғлубијјәтләрә Авровизија маһны мүсабигәсинин Азәрбајҹанын мәдәнијјәтинә вурдуғу зәрбәни дә әлавә етмәк лазымдыр. Белә ки, Азәрбајҹан халгынын әнәнәви вә милли мусигиси Авровизија гаршысында кәнара сыхышдырылмыш олду. Вә белә нәзәрә ҝәлир ки, Азәрбајҹан милли мусигиси һәлә узун мүддәт тәҹриддә галмыш олаҹаг.
Бакы Авровизија маһны мүсабигәсиндә инҝилис дилиндә ифа едилән “Мусигинин өлдүјү заман” маһнысы илә иштирак етмәклә һәгигәтдә сүбут етмиш олду ки, Бакыда Авровизија-2012 маһны мүсабигәсинин кечирилмәсини планлашдыранлар, Азәрбајҹанын милли мусигисинә өлдүрүҹү зәрбә вурмағы планлашдырыбмышлар.
Амма, бүтүн бу мәғлубијјәтләрин кәнарында мәсәләјә ислами јөндән нәзәр салдыгда Азәрбајҹан халгы “һаггын батил үзәриндә гәләбәси” үзрә илаһи вәдә инанараг, өз мүбаризәсини давам етдирди. Белә ки, Азәрбајҹан халгынын Ҝај Парадын ләғв едилмәсиндәки уғуру вә бу тәдбирин тәрәфдары олан кафир ҹәбһәсини ҝери отуртмасы ҝәләҹәкдә Азәрбајҹан Республикасы халгы үчүн даһа бөјүк гәләбәләрдән хәбәр верир.
Диггәт: Хәбәрдән истифадә етдикдә мәнбәјә истинад лазымдыр
