Әһли Бејт -АБНА- хәбәр аҝентлијинин вердији хәбәрә әсасән Һөҹҹәтүл Ислам вәл Мүслимин Сејид Һәсән Амили бу һәфтәки ҹүмә намазынын хүтбәләриндә бујуруб: "Биз Бәһрејн халгыны алгышлајырыг. Чүнки бу халг өз мүгавимәти илә Америка вә Али-Сәуд режиминә елә дәрс верди ки, онлар чарәсизликдән Бәһрејнин Сәудијјә Әрәбистанына бирләшдирилмәси планыны ортаја атдылар".
Сејјид Һәсән Амили хүтбәләринин диҝәр бир һиссәсиндә деди: "Азәрбајҹанда Елчибәј Гарабағын азадлығы мөвзусунда Иран Ислам Республикасынын мүбаризә өрнәјинә чевриләҹәји тәфәккүрүндән горхдуғу вә бунунла да ермәниләрә мәғлуб олдуғу кими инди белә бир тарихи һадисә Бәһрејн үчүн дә үз вермишдир".
Әрдәбилин Имам Ҹүмәси вурғулады: "Гәрб режими мүсәлманларын Ислами дәјәрләрә бағлылығыны јохламаг истәјирләр ки, бунунла да мүсәлманларын өз дини вә ислами гејрәтләрини горујуб сахладыгларыны, јахуд тәкҹә шүарла кифајәтләнмәләрини өјрәнә билсинләр".
О, Мәсҹидләрә, Дини мүгәддәсләрә, Ислам Пејғәмбәри (сәлләллаһу әлејһи вә алиһ) вә Әһли-бејтә (әлејһимус сәлам) гаршы һөрмәтсизлији, Гуранын јандырылмасыны, илаһи кәламын ҝүллә јағышына тутулмасыны вә бунлар кими анти-Ислам һәрәкәтләрин һамысынын јухарыда гејд едилән сәбәбдән олдуғуну, лакин мүсәлманларын кәскин реаксијасы илә үзләшән гәрб режиминин өз мөвгеиндән ҝери чәкилмәсини вә мүсәлманларын гејрәти гаршысында тәслим олмаларыны да ачыглады.
Сејид Һәсән Амили дүшмәнләрин әлиндә васитәјә чеврилмиш бир мүғәнни вә һомосексуалын дини мүгәддәсләрә, хүсусилә дә имам Һадијә (әлејһис сәлам) һөрмәтсизлик етмәсини писләјәрәк артырды: "Бүтүн тәглид мәрҹәләри бу ләјагәтсиз һәрәкәти писләјибләр".
Әрдәбил әһалисинин Експертләр Мәҹлисинин нүмајәндәси хүтбәсинин давамында Азәрбајҹан халгынын "Еуровисион" мүсабигәси мөвзусу илә вә өлкә халгынын һиссләринин дини дәјәрләрә нә гәдәр бағлы олмасынын өлчүлмәси кими чәтин имтаһан гаршысында олмасына да ишарә едәрәк деди: "Бу мүсабигә ислами дәјәрләрин гәрб дәјәрләри илә гаршылашмасы үчүн бир фүрсәтдир вә һәгигәтдә Ислам дини вә гәрб дәјәрләринин тоггушдуғу бу мүбаризә мејданында сон гәләбә Шиә вә Мүсәлман һакимијјәти илә олаҹагдыр".
Ҹәнаб Амили деди: "Бу Авропа мүсабигәси Азәрбајҹан халгынын өзүнүн Ислами мәдәнијјәт вә дәјәрлә нә гәдәр бағлылығыны бир даһа дүнјаја ҝөстәрмәси үчүн фүрсәтдир. Чүнки, бәзиләринин дүшүнҹәләринин әскинә олараг, Ислам дини бу өлкәдә трансформасија олмамыш вә халг өз дининә садиг олараг галмышдыр".
О хатырлатды: "Еуровисион мүсабигәсинин мәдәни бир фестивал олмасы иддиа едилмәсинин әксинә олараг, бу мүсабигә тамамилә сијаси характер дашыјыр вә сионист режими бу мәгсәдлә азәрбајҹанлы мүғәнниләрдән биринә өз өлкәләриндә нечә ајлардыр ки, тәлим кечирләр. Нәтиҹәдә, Фәләстин шәһидләринә һөрмәтсизлик етмәси вә гәсбкар режимлә әмәкдашлыгда мәшһур олан бу мүғәнни галиб олсун".
Вәлијји-фәгиһин Әрдәбил әјаләтиндә нүмајәндәси сионист режимин бу мүсабигәдә мәгсәдинин Ливандакы мәғлубијјәтинин әвәзини чыхмаг вә Иран Ислам Республикасыны гәзәбләндирмәк олдуғуну ачыглады.
Амили әлавә етди: "Бу мүсабигәнин програмларындан бири дә һомосексуалларын парадыдыр вә онлар өз сајтлары васитәсилә парад кечирәҹәкләринә тәкид едибләр".
О, Азәрбајҹан өлкәсинин башчыларынын бу мүсабигә васитәсилә 500 милјон доллар газанҹ әлдә едә биләҹәкләри иддиасына да тохунараг, артырды: "Азәрбајҹан халгы өз мөвласы Әлијә (ә) садиг галараг, һеч вахт дини гејрәтини сатмаз вә һеч вахт һомосексуалларын парады гаршысында башыашаға олмаз. Чүнки Әли (ә) шиәси һеч вахт үзүгара олмајыб".
Сејид Һәсән Амили Бәһрејн мөвзусу вә Азәрбајҹан халгынын мәзлумијјәтинин бир-биринә охшар олмасына да ишарә едәрәк деди: "Зор ҝүҹүнә һеч вахт мәдәнијјәт вә сивилизасијаны дәјишдирмәк олмаз. Амма инҹәсәнәт вә мәдәни програмлар чәрчивәсиндә әгидәни сүстләшдирмәк вә әсасыны дағытмаг мүмкүндүр. Лакин, Азәрбајҹан халгы һеч бир заман сионистләрә мәғлуб олмајаҹаг".
Диггәт: Хәбәрдән истифадә етдикдә мәнбәјә истинад лазымдыр
