Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Ојанышы Һәрәкатынын Лидери, Азәрбајҹан Ислам Партијасынын һәбсдә олан сәдри Доктор Мөвсүм Сәмәдов Азәрбајҹан халгына мүраҹиәт едиб. О, мүраҹиәтиндә өлкәдә баш верән сијаси-иҹтимаи просесләрә мүнасибәт билдириб. Сәмәдовлар аиләсиндән ФактХебер.ҹом-а верилән мүраҹиәтин там мәтнини сизләрә тәгдим едирик.
“Тәәссүфләр олсун ки, Азәрбајҹанда баш алыб ҝедән һагсызлыг вә әдаләтсизлик давам етмәкдәдир. Буну бир илә јахындыр ки, иҹтимаијјәтин ҝөзү өнүндә кечирилән мәһкәмә просесләри бир даһа сүбут етди. Һеч бир дәлил вә сүбут олмадан, сијаси сифариш нәтиҹәсиндә ҝүнаһсыз инсанлары, хүсусән руһаниләр, диндарлар вә мөминләр зинданлара салыныблар. Мүтәшәккил дәстәнин јарадылмасы, һакимијјәти зорла әлә кечирмә, иҹтимаи тәһлүкәсизлији позмаг вә саирә кими јаланчы иттиһамлара мәруз галан инсанлар, әслиндә һазыркы игтидарын һагсызлыг вә әдаләтсизликләри гаршысында сусмадыгларына ҝөрә һәбс едилибләр. Баш верәнләр һеч дә иҹтимаијјәтдән ҝизлин дејил. Ҹәмијјәтимиздә елә бир саһә јохдур ки, орада бөһран јашанмасын. Хүсусән сон илләр әрзиндә өлкәмиздә дини вә милли-мәнәви дәјәрләрә гаршы ҝүнбәҝүн артан исламафобија далғасы нәинки мүсәлман Азәрбајҹан халгымызы, ејни һалда бөјүк Ислам аләмини һиддәтләндириб. Бу ҝәрҝинликләр ичәрисиндә һиҹаб гадағасыны хүсуси гејд етмәк истәјирәм. Өлкәдә ҹаванларын әхлагсызлыг, позғунлуг вә наркоманијада гәрг олдуғу вә иҹтимаијјәтин һәјәҹан тәбили сәсләндирдији бир дөврдә, дөвләт тәрәфиндән атылмыш һиҹаб гадағасы һансы мәнтигә хидмәт едир?
Бир тәрәфдән халгымыз өз дини вә милли мәнәви дәјәрләринә јијәләнмәсинин гаршысы алыныр, диҝәр тәрәфдән исә халгымыза јад олан вә сағлам инсан әгидәсинә, фитрәтинә вә дүшүнҹәсинә зидд олан мүсабигәләр вә “дәјәрләр” милләтимизә ашыланыр.
90-ҹы илләрдә халгымыз үчүн ҝөзәллик мүсабигәси кечирән, бу ҝүн исә мүгәддимәси “мусиги мүсабигәси” олан вә нәһајәтдә ҝејләрин парадыны кечирәрәк мәзлум вә мүсәлман халгымызы “Авропаја Интеграсија” етдирмәк истәјән Азәрбајҹан һакимијјәти, ҝөрәсән ағалары илә бирҝә халгымыз үчүн һансы јухулар ҝөрүбләр?
Халгымызын ағыр игтисади дурумда, Гарабағ торпагларымызын 20% ермәни ишғалчыларынын тапдағы алтында олдуғу вә әрзаг дүканларында борҹ дәфтәрләринин ҝүнбәҝүн артдығы бир дөврдә халгын милјон долларла пулуну бу ҹүр мүсабигәләрә ҝөрә ҝөјә соврулмасы һансы сағлам мәнтигә ујғундур? Дејирләр ки, биз бу јолла Азәрбајҹаны дүнјаја танытдырмаг истәјирик. 90-ҹы илләрин әввәлләриндән башлајан ҝөзәллик мүсабигәләри илә халгымызы әрәб вә түрк дүнјасында нә ҹүр башыуҹа етмисинизсә, “ҝеј-парадла” да Авропа халгларынын јанында “хошбәхт” етмәк истәјирсиз.
02.01.2011-ҹи ил тарихиндә чыхышымызда гејд едәндә ки, бу һакимијјәт халгымызы бундан да бөјүк мүсибәтләрә сүрүкләјир. Бу ҝүн ҹәмијјәтимизин ҝеј-парад кими һадисәни әјани сүрәтдә јашамасындан бөјүк бир фаҹиә ола биләрми? Ҝөрәсән јенијетмә балаларымыз белә бир инсанларын иҹмасыны ҝөрәндә вә бунларын кимлији һагда суал едәндә, валидејнләр нә ҹаваб верәҹәкләр? Әҝәр һәр бир мүсәлманын бу һадисәдән үрәји партлајыб өлсә јери вар. Ҝөрәсән бизим бундан сонра һансы диндән вә имандан данышмаға һаггымыз вардыр? Әҝәр 13 февралда мүгәддәс Пејғәмбәримизин (с) вәфат ҝүнүнү анмаг вә Гарабағ шәһидләрини јашатмаг нијјәти илә Шәһидләр Хијабанына јүрүш едән өвладларымызы дөјән вә зинданлара салан, ејни һалда, бу ҝүнә гәдәр һиҹаблы балаларымызы, “һиҹаблы формада бир даһа мәктәбә ҝәлмәјин”, - дејә синифдән ҝөзүјашлы һалда чыхаран вә мүгәддәс асиман китабларында ләнәтләнмиш үздәнираглары тәмтәрагла вәтәнимиздә гаршылајан һакимијјәтә нә ад гојмаг олар? Ҝәрәк евләримизин гапыларына гара бағлајараг, аилә вә өвладларымызын үзүнә чыхмајаг. Ја Имам Һүсејнин (ә) Ашурасыны дилимизә ҝәтирмәмәли, ја да ки, ҹанымыз баһасына бу зилләтә сон гојмалыјыг.
Бу ҝүн бүтүн ҹәмијјәт ајаға галхмалыдыр. Ҹәмијјәтдә мүхтәлиф јолларла шајиә јајырлар ки, ҝејпарад кечирилмәјәҹәк. Ҝуја ҹаванларымызы әхлагсызлыға чәкән чылпаг, азғын рәггас вә мүғәнниләрин мүсабигәсинә мүсәлман халгымыз разылыг вермишдир.”
Диггәт: Хәбәрдән истифадә етдикдә мәнбәјә истинад лазымдыр
