Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Бакыдакы сәфирлији Бәјанат јајыб.
Бәјанатда дејилр: “Өтән ҹүмә ҝүнү Иран Ислам Республикасынын Бакыдакы Сәфирлијинин бинасы гаршысында кечирилән мүтәшшәкил аксијада гејри-гануни вә ишғалчы сионист режимин амилләри олан алданмыш вә Ислама дүшмән гүввәләрин әлиндә аләтә чеврилмиш бир груп шәхс тәрәфиндән дүнја шиәләринин рәһбәри вә Ислам үммәтинин вәли фәгиһи Ајәтуллаһ Әл-Үзма Хаменеи һәзрәтләринин мүгәддәс мәгамына үнванланмыш тәһгирләр һәр бир азадә инсанын гәлбини ағрытмышдыр”.
Бәјанатда иддиа олунур ки, бу аксија “Азәрбајҹан Республикасында олан бәзи даиәрәләр тәрәфиндән истигамәтләндирилән вә иҹра олунан сифариш олмагла јанашы, реҝионда гәрб вә сионист даирәләр тәрәфиндән јарадылан анти-ислам ҹәрәјанлары илә там олараг әлагәләндирилмиш вә ујғунлашдырылмыш пландыр.
Дүнјанын диҝәр јериндә илаһи һидајәт китабы вә дүнјада милјонларла мүсәлманын етигад вә иман символу сајылан “Гурани Кәрим”ин динсиз екстремистләр тәрәфиндән јандырылдығы бир заманда, дүнјанын бу јериндә һәр заман мүсәлманларын Ислам вә иман амалларынын әбәди кешијиндә дуран дијарлардан бири сајылан мүсәлман вә шиә өлкәси Азәрбајҹанда дүнја шиәләринин рәһһбәри вә вилајәти фәгиһин үнванына тәһгиредиҹи ифадәләрин сөјләнилмәси тәәссүф һисси доғурур.
Чох тәәҹҹүб доғуран мәгам бундан ибарәтдир ки, бу кими аксијаны планлашдыран гүввәләр билмирләр ки, дүнја шиәләринин лидеринин ардыҹылы олан милјонларла инсанын, хүсусилә Иран Ислам Республикасынын азәри дилли вилајәтләриндә онун јолунда ҹанларыны гурбан вермәјә һазыр олан гејрәтли инсанларын дини һиссләринин тәһрик едилмәси, һабелә гәзәб вә кин һиссләринин ҹошдурулмасы бу кими ҝүҹсүз вә алчаг ссенариләрин мүәллифләри үчүн нә дәрәҹәдә тәһлүкәли нәтиҹәләр верә биләр.
Иран Ислам Республикасынын Сәфирлији бу дүшмән вә ҹинајәт характерли аддымы кәскин писләмәклә јанашы, бу һадисә илә мүнасибәтдә икраһ һиссини билдирир вә ону дүзәнләјән амилләрә хәбәрдарлыг едәрәк дејир ки, бу әсла изаһолунмаз бир аддымдыр. Азәрбајҹан Республикасы дөвләти бу кими тәһгирләрә дәрһал реаксијасыны билдирмәли вә онун амилләрини ҹәзаландырмалыдыр.
Шүбһәсиз ки, бир груп етник сепаратчы илә сијаси-игтисади ҝүҹләрлә бағлантысы олан тәһрик едилмиш ҝәнҹләрин иштиракы илә тәшкил едилән бу кими сифариш характерли аксијалар, Исламын мүбариз фәгиһи, дүшүнҹә саһиби вә гәлби сајылан бу бөјүк шәхсијјәт вә алимин аләмә нур сачан симасына шәр көлҝәси сала билмәз.
Гәтијјәтлә гејд етмәк истәјирик ки, бу кими тәхрибат вә дүшмән характерли аддымлар әмәли шәкилдә Ислам һөкмләри вә тәлимләринә гајыдышын игтидарлы ҹәрәјанынын даһа да ҝенишләнмәсинә, Исламын јајылмасына вә Азәрбајҹан Республикасынын мүсәлман халгынын ајыг-сајыглығынын даһа ада артмасына сәбәб олаҹаг.
Бир мүддәт өнҹә Ислам дүнјасынын мәдәнијјәт пајтахты адландырылан Бакы шәһәриндә, инди Исламын вә ислам мәдәнијјәтинин објектив символуна тәһгирләрин үнванланмасы чох тәәссүф доғурур.
Чох тәәссүфләндириҹи мәгамлардан бири дә бундан ибарәтдир ки, Гафгаз Мүсәлманлары Идарәсинин бәзи јолуну азмыш амилләри вә үнсүрләри “геј парадын” кечирилмәсинә ҹидди вә әмәли етиразларыны билдирмәк әвәзинә, Исламын вә шиә аләминин символуна тәһгирләрлә мүшајәт олунан тәдбирә гатылырлар.
Тәәссүфләр олсун ки, ҝөзләнтиләрә рәғмән аидијјәтли мәсул шәхсләр бу кими ҹинајәтләрин вә тәһгирамиз аддымларын амилләрини ҹәзаландырмаг әвәзинә нөвбәти еһтијатсызлыг едәрәк бу Нүмајәндәлијин бинасы өнүндә 16.05.2012-ҹи ил тарихиндә нөвбәти аксијанын кечирилмәсинә имкан вермәләри тәәссүф һисси доғурур.
Сахта вә гондарма бәһанәләрлә атылан бу кими вә она охшар аддымлар гәрбин вә чөкмәкдә олан синост режиминә ҹанфәшанлыгла хидмәт етмәк истигамәтиндәдир.
Азәрбајҹан Республикасынын зәкалы вә дүшүнҹәли халгы, еләҹә дә дүнјадакы гејрәтли азәрбајҹанлылар, Исламла дүшмәнчилик, дини инанҹлара һассаслыг мәсәләсиндә лагејдлијин тәблиғ едилмәси, еләҹә дә ишғал просесинин узанмасы вә Азәрбајҹан Республикасынын әрази бүтөвлүјүнә хәлл вурулмасы ардынҹа олан хаин даирәләрин планларындан аҝаһдырлар.
Иран Ислам Республикасынын Азәрбајҹан Республикасындакы Сәфирлији”
Диггәт: Хәбәрдән истифадә етдикдә мәнбәјә истинад лазымдыр
