Әһли Бејт -АБНА- хәбәр аҝентлијинин вердији хәбәрә әсасән Иран Ислам Респубыликасы Нахчыван Мухтар Республикасына газ нәгл едилмәсиндә бөјүк рол ојнајыр. Бу барәдә Иран Нефт Назирлијинин АБШ, Авропа вә Хәзәрјаны өлкәләрлә бағлы мәсәләләр үзрә департаментинин рәһбәри Һүсејн Исмаили Шеһмирзадә билдириб.
ИРНА-нын вердији хәбәрә ҝөрә, Ашгабадда кечирилән нефт вә газ Бејнәлхалг Конфрансында өлкәсинин Түркијә вә Ермәнистана әсас газ ихраҹатчыларындан бири олмасыны гејд едән Иран Нефт Назирлијнин нүмајәндәси билдириб: "Һазырда дүнја нефт ихраҹатынын 10,5%, газ ихраҹатынын исә 17%-ни Иран һәјата кечирир.
34 милјард кубметр газа малик олан ИИР һәҹминә ҝөрә дүнјада икинҹи газ еһтијатына саһибдир вә дүнјадакы ән бөјүк газ истеһсалчысы, истифадәчиси вә ихраҹатчыларындан бири һесаб олунур. ИИР һәмчинин, 150 милјард баррел һәҹминдә нефт еһтијатына маликдир.
Ашгабад өз нефтини Түркијә вә ИИР васитәси илә Авропаја ихраҹ етмәк саһәсиндә Теһранла әмәкдашлыг едир. Бу ән сәмәрәли вә тәһлүкәсиз јолдур. Азәрбајҹан, Түркмәнистан вә Өзбәкистан да һәмчинин дүнја базарында дәјәрли газ ихраҹатчыларыдыр. Дүнја нефт галығынын 70%-и вә газ галығынын 40%-и Хәзәр дәнизи вә Фарс көрфәзи әразисиндәдир.
Һүсејн Исмаили Шеһмирзадә билдириб ки, нефт вә газ реҝионда әмәкдашлығын инкишаф етмәси үчүн лазым олан әсас факторлардан биридир. Чүнки тәһлүкәсизлик вә сабитлији тәмин етмәкдән әлавә, һәмчинин реҝионда игтисади инкишафа зәманәт верир.
Диггәт: Хәбәрдән истифадә етдикдә мәнбәјә истинад лазымдыр
