Әһли Бејт -АБНА- хәбәр аҝентлијинин вердији хәбәрә әсасән Ләнкәран шәһәр Ҹүмә мәсҹидинин һәјәтиндә газынты ишләри бахча јох “Ҝилан Һолдинҝ”-ә мәхсус 4 мәртәбәли отел тикилмәси үчүн апарылыр.
Ҹүмә мәсҹидинин һәјәтиндә газынты ишләринә етираз етдикләри үчүн сахланылан диндарларын бурахылмасы үчүн 200 нәфәрә јахын Ләнкәран сакини Ҹүмә мәсҹидиндән полис идарәсинә тәрәф јүрүш едиб.
Вәзијјәтин ҝәрҝин олдуғуну ҝөрән полис сахланыланларын һамысыны бурахмаға мәҹбур олуб. Јүрүш иштиракчылары салават вә тәкбир дејәрәк Полис бидарәсинин габағындан дағылыблар.
исламазеришаз-а ҝәлән охуҹу мәктубунда дејилир:
"Ләнкәранын инанҹлы тәбәгәсинин мәнавијјатына тохунан Ләнкәран шәһәр иҹра һакимијјәтинин башчысы Талеһ Гарашов Ләнкәран диндарларынын истифадәсиндә олан Ләнкәран "Ҹумә" мәсҹидинин әразисиндә ушаг бахчасы тикилмәсинә гарар вериб. Анҹаг даһа сонра мәлум олду ки, газынты ишләри мәсҹид әразисиндә бахча јох “Ҝилан Һолдинҝ”-ә мәхсус 4 мәртәбәли отел тикилмәси үчүн апарылыр. Баш верән олајдан гәзәбләнән Ләнкәран диндарлары өзләрини тракторун алтына атмагдан белә ҹәкинмәјибләр. Диндарлар вә полис арасында 7 саат давам едән гаршыдурмасында хасарат аланлар вар. Инаҹлы тәбәгә исә бу ишин гаршысынын өлүмләрлә дә олса белә алаҹағында исрарлыдылар. Губа һадисәләри Ләнкәранда да тәкрарланаҹаг."
Баш верән олајла бағлы исә ФактХебер.ҹом-а ачыглама верән Ләнкәран диндары Һаҹы Илһам Мустафаоғлу, мәсҹидин һәјәтјаны саһәси илә бағлы Ләнкәран шәһәр иҹра һакиминин сәрәнҹамынын олдуғуну билдирди: “Буна бахмајараг мәсҹидин һәјәтиндә бағча тикинтиси үчүн нөвбәти сәрәнҹам верилиб. Сәрәнҹам Ләнкәран рајонун иҹра башчысы Талеһ Гарашов тәрәфиндән имзаланыб. Дөвләт тәрәфиндән верилән рәсми сәнәддә ҝөстәрилиб ки, 1992-ҹи илдә мәсҹид үчүн 2,5 һектар әрази ајрылыб. Һәмин сәнәдләрин әсли мәндәдир. Мәсҹидин һәјәты илә бағлы верилән рәсми гәрара бахмајараг, һәмин сәрәнҹам ләғв едилмәдән 2011-ҹи ил декабр ајында Ләнкәранын кечмиш иҹра башчысы Тофиг Ибраһимов мәсҹидин әразисинә аид олан 50 һектарлыг саһәдә бағча тикинтиси илә бағлы сәнәд имзалајыб.”
Мүсаһиб ону да гејд етди ки, инсанлар мәсҹидин мүдафиәси үчүн әлләриндә ҝәләни едәҹәкләр: “Полис ҝүҹүндән истифадә едиб мүәјјән дәрәҹәдә газынты ишләри апарыблар. Лакин инсанларын етиразыны вә ирадәсини ҝөрдүкдән сонра газынты ишләрини дајандырдылар. Бундан сонра етираз едәнләр арасында фәал олан шәхсләрдән 6 нәфәрә јахыны евләриндән полис бөлмәләринә апарылараг һәдәләнибләр.”
Һазырда полис бөлмәсинә апарылан бүтүн шәхсләрин евләринә бурахылдығыны гејд едән Һаҹы Илһам Мустафаоғлу, “бу о, демәк дејил ки, онлар мәсҹидин һәјәтиндә әл чәкибләр. Онлар бунунла демәк истәдиләр ки, әҝәр сиз јенә дә бизим гаршымыза чыхсаз күтләви сүрәтдә сизи дубинка алтына салаҹағыг.”
Сонда ләнкәранлы диндар гејд етди ки, 98-ҹи илдә полис рәиси вәзифәсиндә чалышмыш Интизам адлы шәхс мәсҹидин 28 сот әразисини гејри-гануни олараг өзәлләшдириб: “Бундан сонра 48 сот торпаг көһнә Рејстер Идарәсинин рәиси Адил адлы шәхс өзү үчүн сәнәдләшдириб. Һазырда мәсҹидин ҹәми 1,8 һектар әразиси галыб.”
Диггәт: Хәбәрдән истифадә етдикдә мәнбәјә истинад лазымдыр
