Әһли Бејт -АБНА- хәбәр аҝентлији- Онлар сона гәдәр вурушдулар, евләри әлләриндән алынса да ҝери чәкилмәдиләр. Һакимијјәтин “Гыш булвары” ады алтында сөкдүрдүјү әразиләрдән чыхан сонунҹу сакин идиләр, ахырда полис ҝүҹүнә ата-баба мүлкләриндән дидәрҝин салындылар. Илһам Әлијевин “1500 манатлыг әдаләтли компенсасијасы” илә барышмајан Рзајевләр аиләси һазырда Бинәгәди рајонунда кирајәдә галыр. Өз гануни һагларыны тәләб етмәк үчүн Авропа Мәһкәмәсинә үз тутаҹаглар. Аилә ики-үч ил башга-башга үнванларда кирајәдә галмаға разыдыр, тәки һагг назил олсун.
Мајын 11-дә аиләнин кичик оғлу Илгар Рзајев һәбс олунду. Һәбсин тәфәррүатларыны өјрәнмәк үчүн Бинәгәдијә јолландыг.
Шәһәрин мәркәзиндән хејли узагда, аја 150 маната ев тутан Рзајевләрин кирајә галдығы мәнзилә ајаг гојан кими гаршымыза Рәсулзадәнин портрети чыхды. Һәтта күчәдән кечәнләр белә о шәкли ҝөрә биләрләр. Мирзаға Әлијев күчәсиндәки евләриндән зорла чыхарыланда әшјаларла јанашы бу портрети өзләри илә ҝөтүрүбләр. Бир сөзлә, Рәсулзадә бу аиләнин әбәди достудур.
Наркотика ананын отағындан "чыхды"
Бизи, игтидарлы-мүхалифәтли, һамынын таныдығы мәшһур Ширинбаҹы Рзајева гаршылајыр. Әввәлләр неҹә ҝөрмүшдүксә, инди дә елә иди. Оғлунун һәбси белә онун вүҹудуну әјмәјиб. Онлара гаршы һәмишә репрессив апаратын ишләдијини дејән Ширинбаҹы хала билдирир ки, һеч кәс ону јолундан дөндәрә билмәз: “Елә бир аиләдә бөјүмүшәм ки, мәни һеч ким сындыра билмәз. Өлдүрә биләрләр, анҹаг сусдурмаг мүмкүн дејил. Јалныз Аллаһ мәни сындыра биләр”.
Ширинбаҹы хала оғлунун һәбси ҝүнү баш верәнләри белә тәсвир едир: “Илгар метронун ”Мемар Әҹәми" стансијасынын јахынлығында евләрин алғы-сатгы мәркәзиндә компјутер ишиндә чалышыр. Һәјат јолдашы русду. Бизи евимиздән чыхарандан сонра јолдашы бурадакы һагсызлыға дөзмәјиб өлкәни тәрк етди. Илгар да Али Мәһкәмәнин гәрарындан сонра аиләсинин јанына ҝедәҹәкди. Мајын 11-дә оғлум Әли Рза Мухтар евә зәнҝ вуруб деди ки, Илгара зәнҝ чатмыр. Ишдән она сәнәд верибләр ки, сурәтини чыхарсын, анҹаг ондан сәс-сәмир јохдур. Бир аз нараһат олдум, бир нечә дәфә зәнҝ етдим, телефону бағлы олду. Дөзмәјиб иш јери илә әлагә сахладым, дедиләр ки, сәнәд вермишик, ҝәлиб чыхмајыб".
Ширинбаҹы хала дејир ки, ахшам саат 17 радәләриндә евләринә 50-јә јахын мүлки ҝејимли ҝәлиб: “Евин саһибини сорушдулар, дедим ки, кирајәдә галырыг. Онлардан дәфәләрлә өзләрини тәгдим етмәји хаһиш етдим. Һеч нә демәдиләр. Бирдә ҝөрдум сохулдулар евә. Һеч бир сөз демәдән отаглары бир-бир ҝәздиләр. Елә билдим ки, Һаҹыбала Абуталыбовун адамларыдыр, евә бахмаг истәјирләр. Дүшүндүм ки, бизимлә разылыға ҝәлмәк истәјирләр. Аиләмиздән ким һансы отагда јашајыр, ону өјрәнмәјә башладылар. Мән өзүм дә билмәдән отағымын Илгарын олдуғуну дедим. Илгарын адыны ешидән кими о дәгигә ичәри кечдиләр. Пәнҹәрәнин ағзында вар-ҝәл едиб, ики дәнә бүкүлү ”тапдылар". Тез ағ кағыза нәсә јаздылар. Мәним дә адымы гејд етдиләр вә имза атдым. Һеч нә билмәдим. Јалныз адым олан јерә гол чәкдим. Сонра мәнә дедиләр ки, Илгары наркотик үстә һәбс едибләр. Бу сөзләри ешидән кими ҝүлдүм. Әҝәр оғлум һәгигәтән наркомандырса, чөрәјим бурнундан ҝәлсин, јох, шәр атырларса, Аллаһ онлара билдирсин. Оғлумун ҹибиндән наркотик чыхса, мән башымы кәсәрәм. Онлара елә тәрбијә вермәмишәм ки, нанкор олсунлар".
“Ҝери чәкилән дејилик!”
Ширинбаҹы халанын сөзләринә ҝөрә, мүлки ҝејимлиләр онларын евләринә сохулан заман виҹдан мәһбусу Елнур Мәҹидлинин диварда асылмыш шәклини телефонла чәкиб сонра гопардыблар: “Шәкли ҹырмаг истәјәндә гојмадыг. Наркотиканы пәнҹәрәмәзин өнүнә онлар гојублар. Биринҹиси, сәһәрчағы ҝәлиним еви тәмизләјәндә пәнҹәрәнин гаршысында һеч бир бүкүлүјә раст ҝәлмәјиб. Икинҹиси дә, Илгар наркотикдән истифадә едирдисә, ону нијә мәним отағымда ҝизләдирди? Мән сәһвән полисләрә дедим ки, Илгар мәним отағымда јатыр, әслиндә онун отағы башгады. Әҝәр десәјдим Илгарын отағы Әли Рзанын 9 јашлы оғлу Сүлејманын отағыдыр, јәгин ки, наркотики ордан ”тапаҹагдылар". Бунлар инсанлары садәҹә өз әхлагларына ујғун шәкилдә һәбс едирләр".
Ширинбаҹы хала сөһбәти даһа сәрт шәкилдә јекунлашдырды: “Оғлумун ҹибинә вә пәнҹәрәмизин гаршысына наркотики Илһам Әлијевин тапшырығы илә атыблар. Сифариш ән јухары сәвијјәдән ҝәлиб”.
Әли Рза Мухтар гардашынын һәбсинин аиләсинин мүбаризәсинә һеч бир тәсир ҝөстәрмәјәҹәјини дејир: “Биз ҝери чәкилән дејилик. Үстүмүзә, кимлијиндән асылы оламајараг, ким ҝәлирсә, она гаршы вурушуруг, һәтта о ҝери чәкилсә белә, хејри јохду. Сона гәдәр вурушаҹағыг. Гардашымын ҹибиндән, пәнҹәрәмизин гаршысындан өзләринә сәрф едән һансы әшја чыхыбса, ону Илгара Илһам Әлијев һәдијјә едиб”.
Әли Рза Мухтарын сөзләринә ҝөрә, Илгар нечә ҝүн имиш ки, изләнилирмиш: “Анамын Иҹтимаи Палатанын 22 апрел митингиндәки чыхышындан сонра сәһәри бизи евимиздән чыхартдылар. Һәр ҝүн Илгарын иш јериндә намәлум адамлар ҝәлирмиш, анҹаг о буна фикир вермирди. Евимиздән зорла чыхмағымызла бағлы АБШ-ын, Инҝилтәрәнин ән мәшһур медиасына мүсаһибәсиндә дә анам дејиб ки, һакимијјәт халгы дүшүнмүр, онлара јалныз ҹамаатын мүлкү лазымды. Онун бу чыхышы бүтүн полисләрин гаршысында олуб”.
“Һәр јердә сөзүмүзү демишик”
Илгар мүхалифәтин митингләриндә һәмишә фәал олуб. Тәкҹә гардашым јох, мән дә, анам да, һәр јердә сөзүмүзү демишик. Мајын 1-дә, мајын 10-да етираз аксијаларында иштирак етдик. Һакимијјәт ҝүл бајрамына милјонларла манат пул хәрҹләјир, анҹаг инсанлары евиндән чыхарданда базар гијмәтләринә ујғун пул вермәк истәмир. Бизә нормал пул версәјди, нијә етираз едирдик? Бунлар истәјирләр ки, өлкәдә һаггыны тәләб едән олмасын. Биз онлардан ата-баба мүлкүмүзә ҝөрә пул тәләб едирик. Анҹаг мүхалифәтчи олдуғумуздан, һаггымызы тәләб етдијимиздән разы дејилләр. Бизим истәдикләримизлә разы олмадыглары кими, биз дә онларын әмәлләриндән наразыјыг", - дејир Әли Рза Мухтар.
Сүлһ вә Демократија Институту (СДИ) Илгар Рзајевин һәбси илә бағлы бәјанат јајыб. Бәјанатда вәтәндашларын мүлкијјәт һүгугларынын горунмасы мәсәләсиндә Рзајевләр аиләсинин фәалијјәти гејд олунур. СДИ Рзајевләрин мәнзилиндә ганунсуз ахтарыш апарылдығыны билдириб: “Һәмин вахт евдә Ширинбаҹы Рзајева вә азјашлы ушаглар олуб. Онлар силаһлы адамларын евә ҝирмәсиндән горхараг ағлајыблар. Евә дахил оланлар нәсә ахтармаға башлајыблар вә сонра ҝуја наркотик маддә тапдыгларыны билдрибләр”.
Бәјанатда гејд едилир ки, ахтарыш үчүн прокурорлугдан сәнәд тәгдим етмәдән силаһлы адамларын евә дахил олмасы ганунсуздур вә ҹәзаланмалы аксијадыр. ДИН вә Баш Прокурорлуг буну ҹидди арашдырмалыдыр.
***
Бу, Рзајевләр аиләсиди. Һәмишәки кими јенә од “пүскүрдү”ләр. Онларын евинә ҝедәндә сусгунлуг олаҹағыны дүшүнмүрдүк. Әмин идик ки, данышаҹаглар, һәм дә сәрт. Һеч кимдән вә һеч нәдән горхмурлар. Кимсәнин дә онлары сындыраҹағына зәррә гәдәр дә инанмырлар. Ширинбаҹы хала ҝөзәл деди: “О
