Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда Ислама гаршы баш алыб ҝедән өзбашыналыглара сәссиз галмадығына ҝөрә шәрләнәрәк һәбс олунмуш Мирәлиҹан Мирзәјев 1972-ҹи ил мај ајынын 1-и Ҝөјчај рајонунда анадан олмушдур.
6 ушаг атасы олан (4 гыз, 2 оғлан) Мирәлиҹан Мирзәјевин 19 јашлы гыз өвлады шикәсдир.
Мирәлиҹан Мирзәјев она гаршы сүрүлән иттиһамлары рәдд едир. Шәрләндији үчүн тезликлә мәни азад етмәлидирләр тәләби илә, Мәһкәмәнин она охудуғу һөкмү әдаләтсиз сајан Сејјид Мирәлиҹан Мирзәјевин апелјасија шикајәти верәҹәји ҝөзләнилир.
Јенијетмә дөврүндән Аллаһа бағлылығы олан Сејјид Мирәлиҹан 40 јашыны да зинданда гејд етмишдир.
“Өмрүмүн ән јахшы ад ҝүнүнү зинданда гејд етмәјимлә фәхр едирәм. Мән нәнәм Зәһранын(с.ә) шәһадәти ҝүнүндә һәбс олундум вә О, Ханымын мөвлудуну да зинданда гејд етмәк мәнә нәсиб олду.” -дејән Сејјид Мирәлиҹан Мирзәјев
“Мәним атам Мирәминаға киши Ҝөјчајын танынмыш ағсаггалларындан олуб. Мәнә ән чох тәсир едән исә Ҝөјчајда чох һөрмәтә саһиб олан бир Сејјид аиләсиндән бир нәфәринин наркотиклә шәрләнәрәк һәбс олунмасыдыр. Әҝәр мәни силаһ иттиһамы илә шәрләсә идиләр мәнә даһа јахшы оларды.”-сөзләрини билдирмишдир.
Хатырладаг ки, Ҝөјчај рајон мәһкәмәсиндә Һаким Елхан Сүлејмановун сәдрлик етдији мәһкәмәдә Һаҹы Мирәлиҹан Мирзәјев тәгсирли билинәрәк 1 ил азадлыгдан мәһрум едилмишдир. Һаҹы Мирәлиҹан Мирзәјев шәрләнәрәк Ҹинајәт Мәҹәлләсинин 234.1-ҹи (ганунсуз наркотик маддә сахлама) маддәси илә иттиһам олунурду.
Диггәт: Хәбәрдән истифадә етдикдә мәнбәјә истинад лазымдыр
