Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы Һәзрәти Зәһра (әлејһа салам) мөвлуду вә гадынлар бајрамы мүнасибәти илә ҝениш мөвлуд тәдбири кечирдиб.
Бу тәдбирдә АИП мүвәггәти сәдр әвәзчиси Елчин Манафов тәдбирә ҝәлән 100-ләрлә гадын вә кишиләри бу мөвлуд мүнасибәти илә тәбрик етди. Сонра да илаһијјатчы, Гуран һафизи Зүлфүгар Микаилзадә тәдбирә ҝәләнләр үчүн дәјәрли чыхышлар етди вә тарихән Ислам дүшмәнләринин ишләтдији һијләләри хатырлатды.
Гуран Һафизи Ханым Фатимеји-Зәһранын (әлејһа салам) фәзиләтини анлатды ве дучмәнләрин ханыма гаршы апардығы тәблиғаты ҹәмијјәтә чатдырды. Ханымын мүгабилиндә сүни иффәт, иззәт нүмунәләри јараданларын һијләсинин һеч вахт баш тутмајаҹағыны анлатды.
Һаҹы Зүлфүгар илаһи вәзифәләрдән данышды. Кечмишдә Пәјғәмбәрләрә (әлејһимус сәлам) олан тәләләри хатырлатды. Илаһи инсанлара гаршы дүшмәнләр тәрәфиндән сүни “илаһи инсанлар”ин јарадылдығыны сөјләди. Инди дә белә тәләләрин олдуғуну гејд етди.
Һаҹы иштиракчылара үз тутараг, бујурду: Аллаһ һејвана бујнуз вериб өзүнү мүдафиәси үчүн. Баласина тохунсан бујнуз атаҹаг. Амма бәзи инсанлар о гәдәер сүст олублар ки, дининә ја да дүнјасына тохунсан да фәрг етмир сусурлар.
Тәдбирин давамында балаҹа мөминә ханымлар Азәрбајҹан һаггында сурудлар охудулар.
Тәдбирдә Азәрбајҹан Ислам Партијасынын Гадынлар шурасынын сәдри Нөврәстә ханым да мөмин вә мөминәләри тәбрик едиб Һәзрәти Зәһра (әлејһа салам) барәсиндә дәјәрли чыхышлар етди.
АИП ҝәнҹләр тәшкилатынин сәдри Һаҹы Валеһ Исмајылов тәдбирдән разы галдығыны вә ҝәләҹәкдә белә тәдбирләрин чох олаҹағыны чатдырды. Ханымлары хүсуси илә тәбрик едән Валеһ Исмаилов Аллаһдан Ханым Зәһра хатиринә өлкәмиздә һиҹаб гадағасынын ҝөтүрүлмәсини вә мәһбусларын азад олмасыны арзулады. О, бу јолда ҝәнҹләрин дә сәј етмәләрини мәнәви борҹлары олдуғуну әлавә етди.
АИП ҝәнҹләр тәшкилатынин сәдри Һиҹабын вә Һиҹаб мәһбусларынын нәин ки, мөминләрин бүтүн Азәрбајҹан халгынын вәзифәси олдуғуну чатдырды.
Һаҹы Валеһ Исмајылов ҝәлән гонаглара дәрин тәшәккүрүнү билдирәрәк, Аллаһдан онлара уҹа мәгамлар истәди.
Диггәт: Хәбәрдән истифадә етдикдә мәнбәјә истинад лазымдыр
