Әһли Бејт -АБНА- хәбәр аҝентлијинин вердији хәбәрә әсасән “Милли Мәнәви Дәјәрләр Иҹтимаи Бирлији”нин (ММДИБ) сәдри Меһди Мәммәдов апрелин 7-дә илк ифадәсини вермәли иди. Вәкил Заман Сәмәдов өтән ачыгламасында билдирмишди ки, биз Меһди бәјин әмәлијјатчыларла үзләшмәсинә даир вәсатәт галдырмышыг. Бундан әввәл исә Меһди бәјин ифадә вермәси мүтләгдир.
Лакин ММИБ сәдринин ифадә вермәси баш тутмајыб. FaktXeber.com-а ачыглама верән вәкил Заман Сәмәдов билдириб ки, Меһди бәј бу ҝүн ифадә вермәли иди . Лакин бу баш тутмады. Мүвәккилимин наркотик маддә истифадәчиси олуб-олмадығыны мүәјјән етмәк үчүн мартын 28-дә Республика Нарколожи Мәркәзиндә ҝөтүрүлән ган анализинин ҹавабы исә һәлә бәлли дејил.
Вәкил һәмчинин гејд едиб ки, Меһди Мәммәдов әлавә олараг Ҹинајәт Мәҹәлләсинин башга маддәләри дә иттаһам олуна биләр.
Хатырладаг ки, Меһди Мәммәдову февралын 18-дә әлијевләр режиминин ҝүҹ структуру сајылан МТН хүсуси зоракылыгла тутуб. Вә режимн Бинәгәди Рајон Мәһкәмәси Меһди Мәммәдов һаггында 2 ај мүддәтинә ујдурма һәбс гәтимкан тәдбири сечиб. Ејни һалда она мөвҹуд режимин Ҹинајәт Мәҹәлләсинин 234.1-ҹи маддәси (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) илә ШӘРР атарг иттиһам едирләр.
Диггәт: Хәбәрдән истифадә етдикдә мәнбәјә истинад лазымдыр
