Әһли Бејт -АБНА- хәбәр аҝентлијинин вердији хәбәрә әсасән Вәлијји-фәгиһин Иран Ислам Республикасы Әрдәбил вилајәтиндәки нүмајәндәси Һөҹҹәтүл-Ислам вәл-Мүслимин Сејид Һәсән Амили бу һәфтәки ҹүмә намазынын хүтбәләриндә һәзрәт Мусанын (ә) Шүејб пејғәмбәрин (ә) гызлары илә илк ҝөрүшүнә вә һәзрәт Мусанын (ә) һәјасына ишарә едәрәк, деди: "Ҹамаатын намусунун ардынҹа дүшән шәхсдән рәһбәр олмаз. Ваһид форма бәһанәси илә ҹамаатын гызынын башындан һиҹабы ачан мәсул, башчы ола билмәз".
Сејид Һәсән Амили һәмчинин, Ислам Пејғәмбәринин (с) өз әбасы илә әсир бир гадынын башыны өртмәси һадисәсинә тохунараг деди: "Мәсул вә рәһбәр ҝәрәк халгын намусуну өртсүн, нәинки ону ачсын".
О, хүтбәләринин давамында деди: "Иран Ислам Республикасы дүнјада илк дәфә олараг республиканы ислами олмагла гејдләндирди вә бу ифтихар Иран Ислам Республикасынын тарихиндә һәмишә парлајаҹаг. Әҝәр республика гејдләнмәсә вә гәрбин иддиа етдији демократија дүнјаја һаким олса, Һитлер, Һүснү Мүбарәк, Сәддам, Рзахан, Буш вә с. кими ҹанавар сифәтли инсанлар ҹамаатын бојнуна минәр вә халгын ганыны сорарлар.
Инди сиз мүшаһидә едирсиниз ки, гәрб иддиасына әсасланан демократија илә бизим шимал гоншулуғумузда (Азәрбајҹан Республикасы) өлкә президенти назирлик вәзифәсини пулла сатыр. Назирлик вәзифәсини пулла алмыш назир исә рајонлардакы вәзифәләри дә пул вә рүшвәтлә сатмаға мәҹбурдур. Вәзифәни пулла алмыш мәсул да вәзифә үчүн вердији пулу чыхармаг үчүн ҹамаатдан рүшвәт алыр. Бу вәзијјәт өлкәдә фәсад вә рүшвәтхорлуғун јајылмасына, әһалинин һәддиндән артыг сыхынтыда олмасына сәбәб олур".
Диггәт: Хәбәрдән истифадә етдикдә мәнбәјә истинад лазымдыр
