Әһли Бејт -АБНА- хәбәр аҝентлијинин вердији хәбәрә әсасән мартын 27-дә вәкил Анар Гасымлы Бакы Истинтаг Тәҹридханасында сахланылан “Азәрбајҹан Ислами Ојаныш һәракаты”нын Лидери, Азәрбајҹан Ислам Партијасынын сәдри Доктор Мөвсүм Сәмәдов, онун мүавини Вагиф Абдуллајев, партијанын Астара рајон комитәсинин сәдри Руфулла Ахунзадә вә Иранын “Сәһәр” телеканалынын Азәрбајҹан нүмајәндәлијинин мүхбири Анар Бајрамлы илә ҝөрүшүб.
Вәкил ҝөрүшләр барәдә вердији ачыгламада билдириб: “Мөвсүм Сәмәдов вә диҝәрләри илә үмуми ҝөрүш олду. Онлар апеллјасија шикајәтләринә нә вахт бахылаҹағы илә марагландылар. Һәлә ки, просесин кечириләҹәји ҝүн һагда мәнә мәлумат верилмәјиб”.
Анар Гасымлы гејд едиб ки, Анар Бајрамлы барәсиндә сечилмиш 2 ајлыг һәбс гәтимкан тәдбиринин вахты апрелин 17-дә битир: “Лакин бу мүддәт әрзиндә нә мүстәнтиг тәҹридханаја ҝедиб Анар Бајрамлыдан ифадә алыб, нә дә онун ганындан анализ ҝөтүрүлүб ки, наркотик маддәјә алидәчи олуб-олмадығы тәјин едилсин”.
Анар Бајрамлы барәсиндә һәбс гәтимкан тәдбирини февралын 17-дә Бинәгәди Рајон Мәһкәмәси сечиб. О, әлијевләр режиминин ҝүҹ структурлары тәрәфиндән амансызҹасына тутулараг Ҹинајәт Мәҹәлләсинин 234.1-ҹи маддәси (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) илә ШӘРЛӘНИЛИР.
2011-ҹи ил октјабрын 7-дә әлијевләр режимин Ағыр Ҹинајәтләр Мәһкәмәси бир даһа инсан һаггларын позараг “Азәрбајҹан Ислами Ојаныш һәракаты”нын Лидери, Азәрбајҹан Ислам Партијасынын сәдри Доктор Мөвсүм Сәмәдовун 12 ил, партијанын Астара рајон тәшкилатынын сәдри Руфулла Ахундзадәнин 11 ил 6 ај, партијанын сәдр мүавини Вагиф Абдуллајевин 11 ил, Масаллы руһаниси Фәрамиз Аббасовун 11 ил, Мөвсүм Сәмәдовун гајыны Фирдовси Мәммәдрзајев, әмиси оғлу Дәјанәт Сәмәдовун исә һәр биринин 10 ил мүддәтинә һәбс верилмәсинә даир һөкм чыхарыб. Илаһијјатчы алим Зүлфүгар Микајылзадәни 5 ил сынаг мүддәти тәтбиг олунмагла 11 ил шәрти һәбс ҹәзасына мәһкум едиб.
Вәтәнин Мүбариз Өвладлары әлијевләр режиминин Ағыр Ҹинајәтләр Мәһкәмәсинин һөкмүндән апеллјасија етираз едибләр.
Диггәт: Хәбәрдән истифадә етдикдә мәнбәјә истинад лазымдыр
