Әһли Бејт -АБНА- хәбәр аҝентлијинин вердији хәбәрә әсасән Губа һадисәләри илә бағлы даһа ики нәфәр сахланылыб. Јерли мәнбәләрдән верилән мәлуматда билдирилир ки, мартын 17-дә истинтаг органлары Губа шәһәр бәләдијјәсинин сәдри Елхан Әлијеви вә шәһәр бәләдијјәсинин үзвү Дәстәбәј Тәрланову да сахлајыб.
Мәнбә сахланан шәхсләрә гаршы иттиһам ирәли сүрүлүб-сүрүлмәмәси илә бағлы мәлумата малик дејил.
Һазырда Губа һадисәләри илә бағлы сахланылан 10 нәфәрин ады мәлумдур. Бунлар Алхас Данјалов, Самир Хаммәдов, Фәрһад Абдуллајев, Хәјјам Јунусов, Мурад Закиров, “Хәјал” телевизијасынын баш директору, “Тренд” Аҝентлијинин бөлҝә мүхбири Заур Гулијев, “Хәјал” телевизијасынын иҹрачы директору Вүгар Гонагов вә реклам үзрә менеҹер Заур Мустафајев, Губа шәһәр бәләдијјәсинин сәдри Елхан Әлијеви вә шәһәр бәләдијјәсинин үзвү Дәстәбәј Тәрлановдур.
Гејд едәк ки, Губа шәһәр бәләдијјәсинин сәдри Елхан Әлијевин һәбси барәдә мәлуматы мартын 17-дә ПИА.АЗ дәрҹ етмишди. Мәлуматда ҝөстәрилирди ки, Губа шәһәр бәләдијјәсинин сәдри Елхан Әлијев һадисәләрин әсас тәшкилатчысы кими һәбс олунуб.
Диггәт: Хәбәрдән истифадә етдикдә мәнбәјә истинад лазымдыр
