Әһли Бејт -АБНА- хәбәр аҝентлијинин вердији хәбәрә әсасән Иран Ингилаб Кешикчиләри Корпусунун (“Сепаһ”) кечмиш команданы, Системин Мәсләһәтини Мүәјјәнләшдирән Гурумун рәһбәри Мөһсүн Рзајијә бағлы “Табнак” сајты Азәрбајҹан Республикасы һөкумәтинә вә онун рәсмиләринә гаршы јазы дәрҹ едиб.
“Азәрбајҹан Республикасында Иранла әлагәдә олан шәхсләрин тутулмасы иддиасы” башлыглы јазыда дејилир: “Азәрбајҹан Республикасынын Ирана гаршы дүшмәнчилик һәрәкәтләринин ардынҹа бу өлкәнин Милли Тәһлүкәсизлик Назирлији бәјанат јајараг билдириб ки, Иранла әлагәдә олан, сионист режимин вә Американын Бакыдакы сәфирликләринә гаршы һүҹум планлары һазырламагда ҝүнаһландырылан 22 Азәрбајҹан вәтәндашыны тутуб.
Иддиа едилиб ки, тутулан шәхсләр “Сепаһ”ын ҝөстәриши илә Америка, сионист режими вә диҝәр Гәрб өлкәләринин сәфирликләринә вә онларын ишчиләринә гаршы террорчу әмәлијјатлар һәјата кечирмәк нијјәтиндә олублар. Билдирилдијинә ҝөрә, тутуланлар 1999-ҹу илдән башлајараг әмәкдашлыға ҹәлб олунуб, Иранын һәрби мәркәзләриндә силаһдан неҹә истифадә етмәк вә ҹасуслуг јоллары илә бағлы тәлимләр кечиб, Азәрбајҹанда хариҹи ширкәтләр, сәфирликләр вә гурумлар һагда мәлумат топламаг үчүн јетишдирилиб. Билдирилир ки, “Сепаһ”ын Әкбәр Пакрәвеш адлы бир забити диггәт доғурмамаг вә из итирмәк үчүн һәмин шәхсләрлә Дәмәшг вә Москвада ҝөрүшәрәк онлара пул вә аваданлыглар вериб”.
Гејд едәк ки, Азәрбајҹанын јени иддиасы елә бир һалда ирәли сүрүлүр ки, бу өлкәнин јүксәк рүтбәли рәсмиләринин Иранын нүвә алимләрини шәһид едән террорчуларла әмәкдашлығында шүбһә јохдур. Бундан башга бир иранлы сәрһәдчисинин Азәрбајҹан сәрһәдчиләринин әли илә шәһид олмасы, Азәрбајҹанын сионист режимин хүсуси хидмәт органлары илә әмәкдашлыг етмәси бу гондарма режим рәсмиләринин утанмазлығындан вә һәјасызлығындан хәбәр верир.
Бу режимин мүдафиә назиринин Ирана сәфәр етмәсиндән вә “Азәрбајҹан кими кичик бир өлкә һеч вахт Иран кими бөјүк бир өлкә илә дүшмәнчилик фикринә дүшмәз” демәсиндән сонра белә ҝүман олунурду ки, Азәрбајҹан Республикасына һаким режимин рәсмиләри ағылланыблар. Лакин ирәли сүрүлән бу сон бәјанатлар ону ҝөстәрир ки, бу өлкәнин рәсмиләринин ағыллары башларына ҝәлмәјиб. Азәрбајҹан һакимијјәтиндәки парчаланма о гәдәр ҝенишләниб ки, ваһид сијасәт јүрүтмәкдә дә аҹиздир”.
Диггәт: Хәбәрдән истифадә етдикдә мәнбәјә истинад лазымдыр
