Әһли Бејт -АБНА- хәбәр аҝентлији- Губа һадисәләриндән сонра губалы депутатларын “аксија иштиракчыларындан һеч ким һәбс едилмәјәҹәк” демәләринә бахмајараг, мәлум олајдан сонра бир нечә Губа сакини барәдә ҹинајәт иши ачылыб. Үмумијјәтлә, һакимијјәт өз имиҹи илә әлагәдар иҹтимаијјәтдә мүсбәт ҝөрүнтү јаратмаг үчүн иҹра башчысы вә диҝәр вәзифәли шәхсләри һәбс едә билмәздими? Мөвзу илә бағлы ФактХебер.ҹом-а ачыглама верән политолог Зәрдүшт Әлизадә, депутатларын вәд вермәклә орталыгда өтүрүҹү ролуну ојнадыгларыны билдирди. “Һакимијјәт сонра гәрара алды ки, һадисәнин баш вермәсиндә бәзи һаким даирәләрин ролу олдуғуна ҝөрә, баш верәнләнрдән сонра халгын ҝөзүнү горхутмаг елә дә пис олмаз. Она ҝөрә дә бу һәбсләри һәјата кечирдиләр”.
Һакимијјәтин халг гаршысында һәр һансы бир имиҹинә еһтијаҹы олмадығыны гејд едән политолог, “һөкумәтин полисә, МТН-ә, зопалылара, еһтијаҹы вар”, - дејә билдирди: “ Һакимијјәт Губа һадисәләриндән сонра һеч бир ислаһата ҝетмәјәҹәк. Бунларын јеҝанә бир мәгсәди вардыр ки, о да нефт пулларыны оғурламагдан ибарәтдир. Ислаһат садәҹә олараг бу оғурлуға мане олар. Ыслаһат будур ки, дөвнәт гуруҹулуғу, ҹавабдеһлик, шәффафлыг, ганунун алилијинин горунмасы тәмин олунсун. Дејиләнләрин һамысы исә һакимијјәтин пул оғурлуғуна гаршы манеәдир.”
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
