Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Бејнәлхалг Атом Енержиси Аҝентлијиндәки даими нүмајәндәси Әли Әсғәр Султанијә ҹәнаблары журналистләрә вердији ачыгламасында өлкәсинин нүвә фәалијјәтиндән данышыб.
Ҹәнаб Әли Әсғәр Султанијә дејиб ки, нүвә фәалијјәтинә ҝөрә Гәрбин Иран Ислам Республикасына гаршы тәтбиг етдији санксијалар нәтиҹә вермәјиб: “Иран Ислам Республикасы нүвә силаһы истеһсал етмәк нијјәтиндә дејил. Гәрбин өлкәмизә тәтбиг етдији санксијалар апардығымыз нүвә фәалијјәтинә, о ҹүмләдән дә уранын зәнҝинләшдирилмәси илә бағлы фәалијјәтә тәсир ҝөстәрә билмәјиб. Әслиндә бу санксијалар сентрифугаларын фәалијјәтинә тәсир етмәк әвәзинә даһа чох инсанларын һәјатына тәсир едиб. Лакин бизә гаршы тәтбиг олунан санксијалар вә гәбул едилән гәтнамәләр, о сырадан да һәрби тәһдидләр, кибернетик һүҹумлар вә с. тәзјигләр Иранын нүвә фәалијјәтинә тәсир ҝөстәрә билмәјиб”.
Әли Әсғәр Султанијә ачыгламасынын сонунда дејиб: “Биз апардығымыз нүвә фәалијјәтини һеч вахт дајандырмајаҹағыг вә бу саһәдәки ишимизи Бејнәлхалг Атом Енержиси Аҝентлијинин нәзарәти алтында давам етдирәҹәјик”.
Диггәт: Хәбәрдән истифадә етдикдә мәнбәјә истинад лазымдыр
