Әһли Бејт -АБНА- хәбәр аҝентлијинин вердији хәбәрә әсасән Иран-Азәрбајҹан Достлуг Групунун сәдри, Иран Ислам Республикасынын Азәрбајҹандакы сабиг сәфири Әһәд Гәзаи Бакыја ҝәлиб.
Ә. Гәзаи Бакыја сәфәринин шәхси, јәни гејри-рәсми олдуғуну билдириб.
О, Бакыда бир сыра достлары, о ҹүмләдән Гафгаз Мүсәлманлары Идарәсинин (ГМИ) сәдри Шејхүлислам Аллаһшүкүр Пашазадә илә ҝөрүшүб.
Сабиг сәфир Иран-Азәрбајҹан мүнасибәтләринин һазыркы дурумундан нараһат олдуғуну да дејиб: “Бу мәсәләдә һәр ики тәрәф мүәјјән гәдәр әсас вериб, амма мүнасибәтләр бу ҹүр олмамалыдыр. Әслиндә, ики өлкә арасында мүнасибәтләрин ҝәрҝин олмасында мараглы олан гүввәләр вар. Тәкҹә Исраил вә АБШ дејил, елә Авропа да бизим нормал мүнасибәтләримизин олмасыны истәмир”.
Диггәт: Хәбәрдән истифадә етдикдә мәнбәјә истинад лазымдыр
