Әһли Бејт -АБНА- хәбәр аҝентлијинин вердији хәбәрә әсасән Гарабағ Азадлыг Тәшкилаты даһа бир груп Азәрбајҹанлы депутатын Ермәнистанын пајтахтына сәфәр етмәсини писләјән бәјанат јајыб. ГАТ-ын бәјанатында билдирилир ки, Гарабағ Азадлыг Тәшкилаты даһа бир груп Азәрбајҹанлы депутатын-Рөвшән Рзајев, Азај Гулијев вә Фәрәҹ Гулијевин Ермәнистанын пајтахтына сәфәр етмәсини гәтијјәтлә писләјир. Бу ҹүр сәфәрләрә һеч бир адла, истәр Авронест Парламент Ассамблејасы, истәрсә дә башга бир тәдбир олсун, бәраәт јохдур. Бу, ермәни сијасәтидир, ермәни бу јолла ишғал фактыны унутдурмаға чалышырлар. Бу сәфәрләрә ҝедәнләр билмәлидирләр ки, бирмәналы шәкилдә ермәни сијасәтинә хидмәт едирләр. Биз депутат групунун бу сәфәрини Азәрбајҹанын милли марагларына хәјанәт һесаб едирик.
Бу дәфә ҝедәнләрдән Рөвшән Рзајев чохдандыр ки, мүхтәлиф јолларла ермәниләрә хидмәт ҝөстәрмәјә чалышыр, ҝаһ Дағлыг Гарабағын Азәрбајҹанлы иҹмасынын нүмајәндәси кими ҹанфәшанлыг едир, ҝаһ ермәниләрлә һансыса әлагәләрин гурулмасына тәшәббүс едир. Бәзи мәлуматлара ҝөрә, онун ермәни ганы вар, Ирәванда халасы, дајысы јашајыр. Ҝөрүнүр, онларла әлагә гурмагда, онларын сифаришләрини јеринә јетирмәкдә мараглыдыр. Бу мәсәлә Азәрбајҹанын Милли Тәһлүкәсизлик органлары тәрәфиндән арашдырмалыдыр. Азај Гулијев вә Фәрәҹ Гулијевин исә бу ишләрә гошулмасы баша дүшүлән дејил. Азај Гулијев һәм милләт вәкили, һәм дә ГҺТ-ләрә Дөвләт Дәстәји Шурасынын сәдри кими дәфәләрлә “халг дипломатијасы” на, ермәниләрлә тәмаслара гаршы чыхыш едиб. Фәрәҹ Гулијев дә һәмишә ермәни сијасәтинә гаршы олуб. Бу ики шәхсдән биз бу һәрәкәти һеч ҝөзләмирдик. Ҝөрүнүр, кресло, вәзифә һәрислији онларын да ҝөзләрини тутуб, һиссләрини өлдүрүб. Биз онлара “ар олсун!” дејир вә ләнәтләјирик. Онлар өзләрини ләкәләдиләр, шәһидләримизин руһлары онлары һеч вахт бағышламајаҹаг.
Емин Нәсирли
Диггәт: Хәбәрдән истифадә етдикдә мәнбәјә истинад лазымдыр
