Әһли Бејт -АБНА- хәбәр аҝентлијинин вердији хәбәрә әсасән февралын 19-да сәһәр саатларында Иран Силаһлы Гүввәләри јени һәрби маневрләрә башлајыб. “Вәлфәҹр” адланан тәлимләр Мәркәзи Сәһра, Јәзд шәһәри вә онун әтрафында кечирилир.
Һәрби маневрләрдә Иран Ислам Ингилабы Кешикчиләр Корпусунун (“Сепаһ”) гуру гошунлары вә “Бәсиҹ”ин (һөкумәт тәрәфдары көнүллүләр дәстәси) “Имам Һүсејн” баталјону иштирак едир.
“Сепаһ”ын гуру гошунларынын команданы, ҝенерал-мајор Муһәммәд Пакпур дејиб ки, һәрби маневрин мәгсәди ордунун мүдафиә габилијјәтини артырмаг, јени тактик ҝедишләрин иҹрасы, јени тәҹһизат вә сурсатын истифадәсидир: “Маневрин иштиракчысы олан гүввәләримиз бүтүн тәһдидләрә вә ола биләҹәк һүҹумлара гаршы һазырлыглы олдугларыны дүшмәнә нүмајиш етдирәҹәкләр”.
Диггәт: Хәбәрдән истифадә етдикдә мәнбәјә истинад лазымдыр
