Әһли Бејт -АБНА- хәбәр аҝентлијинин вердији хәбәрә әсасән Теһран Университетинин бир груп тәләбәси бир бәјанат верәрәк Азәрбајҹан Республикасынын Теһрандакы сәфирлијинин 2-ҹи адамынын тәһгирамиз ачыгламасына реаксијада Иранын Хариҹи Ишләр Назирлијинин ҝеҹикмәсинә етираз едиб.
РәҹаНеwс-ун мәлуматына ҝөрә тәләбәләрин бәјанатында билдирилир: Дүнјада Исламын гүдрәт тумурҹуғунун чичәкләндији бир һалда халгымыз һәр ҝүн гоншу Азәрбајҹан Республикасынын шиә вә мүсәлман халгынын вәзијјәтиндән гејри-мүнасиб хәбәрләр ешидир. Мәсҹидләрин дағылмасы, һиҹаб гадағасы ганунун тәсдигләнмәси вә иҹра олунмасы, һиҹаб гадағасы ганунуна етираз едәнләрин узун мүддәтли һәбсләри, Һүсејн әзадарлары илә вәһшиҹәсинә давраныш, шиәләрин мәнзилләринин дағыдылмасы вә тәглид мәрҹәләринин рисаләләри вә ислами дуа китабларынын јајылмасынын гадаған олунмасы бу өлкәдә ҝүндәлик вә ади мәсәләләрә чеврилиб.
Тәәссүфләндириҹи һалдыр ки, Азәрбајҹан Республикасы һөкумәти мүсәлманларын күлли мигдарда пулуну бәднам мусиги фестивалынын кечирилмәси үчүн олан тәдарүкләрә хәрҹләјиб. Бу бәднам фестивал фәсадлы гәрб дүнјасында да һеч бир хош ада малик дејил вә онун һомосексуаллара аид олдуғуна ҝөрә бир чох өлкәләр онун өз әразисиндә кечирилмәсиндән чәкинирләр.
20% торпағы ишғал алтында олан һөкумәт ишғал олунмуш әразиләрин ҝери гајтарылмасы үчүн өз халгынын вәтәнпәрвәрлији, дини гејрәти вә ирадәсинә һөрмәтлә јанашмаг әвәзинә бәднам мусиги фестивалы кечирир вә онунла фәхр едир.
Бәлкә дә биз тәләбәләр Азәрбајҹан Республикасынын фәсадлы һөкумәтинин зәрәрвериҹи аддымларында гәфләтдә олмасајдыг, Иран Ислам Республикасы Телевизија вә Радио Тәшкилаты нүмајәндәсинин Бакы һава лиманындан гајтарылмасы, Бөјүк Рәһбәрин Бакдакы нүмајәндәлијинин офисинә гаршы ҹәсарәт, Имам Хомејни (рә) Имдад комитәсинин Бакдакы нүмајәндәлијинин бағланмасы, Иран Ислам Республикасына гаршы фитнәдә Азәрбајҹан рәсмиләринин гәрб вә сионист режимин ҹасуслуг хидмәтләри илә утанҹ вериҹи әмәкдашлығы вә шәһид Шәһријари вә Әһмәди Рөвшән кими шәхсләрин террор олунмасы ҹинајәтләринин шаһиди олмаздыг.
Азәрбајҹан Республикасынын Теһрандакы сәфирлијинин 2-ҹи адамынын тәһгирамиз сөзләри онун өлкәдән тез бир заманда чыхарылмасында һеч бир шәкк-шүбһәјә јер гојмајыб. Лакин сүбутлар бу тәһгирамиз сөзләр гаршысында заманында реаксијанын верилмәсиндә Иранын Хариҹи Ишләр Назирлијинин ҝеҹикдијини ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
