Азәрбајҹанын танынмыш руһаниләриндән бири, Азәрбајҹанда Һиҹаб Гадағасына етираз етдијинә ҝөрә, шәрләнәрәк һәбс олунан вә һал-һазырда мәһбәс һәјаты јашајан Масаллы рајон Хыл кәнд сакини Сејјид Фәрамиз Аббасовун һәбс олунмасындан бир ил өтүр.
Сејјид Фәрамизин оғлу Камран Аббасов атасынын һәбс олунмасынын бир иллији илә әлагәдар фикирләрини Xeber44.cом-ла бөлүшдү.
Бисмиллаһиррәһманиррәһим. Һаҹынын һәбси бизләри кәдәрләндирсә дә, биз “Ислам тәһлүкәдә оланда ҹаныны вер Динини гуртар” һәдисини шүар ҝөтүрәрәк Һаҹынын һәбсинә даһа сәбрли јанашдыг. Атамыз да Дин тәһлүкәдә оланда ҹаныны верди ки, динини гуртарсын. Дини мүдафиә етмәк исә һәр бир азәрбајҹанлынын, һәр бир мүсәлманын борҹудур.
Һаҹынын һәбс олунмасы илә биз Ислам Пејғәмбәринин(с) вә Онун Әһли-Бејтинин башына ҝәлән мүсибәтләри даһа јахшы дәрк етдик.
Һаҹы Фәрамизә чох адам дост дејирди. Бу чәтин ҝүнләрдә Һаҹынын әсл достларыны таныдыг, Руһани ҹилдинә ҝирмиш динсизләри таныдыг, һагг-әдаләт гышгыран Азәрбајҹанын әдаләтсиз мәмурларыны таныдыг. Бир сөзлә Аллаһын досту илә дүшмәнләрини таныдыг.
Биз атамызла фәхр едирик. Чүнки О, Исламы, Гураны, Пејғәмбәрин ҝөстәришини мүдафиә етдији үчүн һәбс олунуб. Онлар Һаҹыны вә диҝәр Һиҹаб Мәһбусларыны шәрләјәрәк һәбс етдикдә фикирләшдиләр ки, Ислам динини һагг-әдаләт севәнләрин гәлбиндән силәҹәкләр. Амма ҝөзләдикләринин там әкси олду. Һаҹынын һагг олмасы, онун Һиҹаб Мәһбусу олмасы вә Ислама гаршы чыхан дүшмәнләрин кимлији мәлум олду. Һагг-әдаләт севәнләрин гәлбиндә Ислама даһа ҝениш јер ајрылды.
Һаҹы Фәрамиз бир тарих јазды. Имам Мусеји Казим(ә) ағаны өзүнә өрнәк ҝөтүрәрәк зүлмә гаршы чыхыб зилләти јох Зинданы гәбул етди.
Атамыз Сејјид Фәрамиз заһирән зинданда олсада, Аллаһ јанында О, азаддыр. Әсл зинданда оланлар исә зүлмә баш әјиб, залимин дедикләри илә отуруб-дуранлардыр.
Сонда бүтүн ҝүнаһсыз јерә шәрләнәрәк зинданда јатан диндарлара, Һиҹаб Мәһбусларына вә онларын аиләләринә Аллаһдан сәбр диләјирәм.
Хатырладаг ки, Азәрбајҹанын танынмыш руһаниләриндән бири, Масаллы рајон Хыл кәнд сакини Сејјид Фәрамиз Зејнал оғлу Аббасов Азәрбајҹанын орта мәктәбләриндә тәтбиг олунан Һиҹаб Гадағасына етираз етдијинә ҝөрә 24 јанвар 2011 -ҹи илдә шәрләнәрәк һәбс олунуб.
Диггәт: Хәбәрдән истифадә етдикдә мәнбәјә истинад лазымдыр
