Әһли Бејт -АБНА- хәбәр аҝентлијинин вердији хәбәрә әсасән: Јанварын 13-дә Бакы Апеллјасија Мәһкәмәсиндә Илаһијјатчы Һаҹы Абҝүл Сүлејмановун һәбс мүддәтинин узадылмасындан верилән шикајәтә бахылаҹаг. Шикајәти һаким Фаиг Гасымов арашдыраҹаг.
Сәбаил Рајон Мәһкәмәси 2011-ҹи ил декабрын 27-дә Абҝүл Сүлејманов һаггында һәбс гәтимкан тәдбиринин даһа 3 ај мүддәтинә узадылмасына гәрар вериб. Истинтагы апаран Милли Тәһлүкәсизлик Назирлији һәбс мүддәтинин узадылмасына әсас кими Абҝүл Сүлејмановун “İslamazeri.az” сајтынын баш редактор Рамин Бајрамовун иши үзрә шаһид гисминдә ифадә вермәли олдуғуну ҝөстәриб.
Абҝүл Сүлејманов 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) ШӘРЛӘНӘРӘК иттиһам едилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) ШӘРЛӘНӘРӘК ҝүнаһландырылыр.
Диггәт: Хәбәрдән истифадә етдикдә мәнбәјә истинад лазымдыр
