Әһли Бејт -АБНА- хәбәр аҝентлијинин вердији хәбәрә әсасән: Теһранын Имам Садиг Университетинин “Бәсиҹ” тәләбә тәшкилаты вә Гум шәһәринин Мәсумијјә мәктәби Азәрбајҹанла бағлы бәјанат јајыб.
Бәјанатда билдирилир ки, Азәрбајҹан әһалисинин 92 фаизи мүсәлмандыр, һөкумәт исә мәсҹидләри бағламагла, Ислам алимләрини, лидерләрини һәбс етмәклә дин әлејһинә сијасәт апарыр: “Азәрбајҹан һакимијјәти тарихдән дәрс алмалы, Иранын 1963-ҹү илдән 1979-ҹу ил Ислам ингилабынадәк олан тарихинә бахмалыдыр. Ҝөрүн, Мәһәммәд Рза Пәһләви, Һүснү Мүбарәк, Бен Әли, Абдулла Салиһ вә диҝәрләринин талеји неҹә олду?”
Бәјанатда Иран Хариҹи Ишләр Назирлијиндән өлкә конститусијасынын 16-ҹы маддәсинин 3-ҹү бәнди әсас тутулараг Азәрбајҹан мүсәлманларынын һүгугларыны горумаг үчүн дипломатик сәјләри ҝүҹләндирмәк вә һәбсдә олан исламчыларын азадлыға бурахылмасына наил олмаг тәләб едилиб.
Диггәт: Хәбәрдән истифадә етдикдә мәнбәјә истинад лазымдыр
