Әһли Бејт -АБНА- хәбәр аҝентлијинин вердији хәбәрә әсасән: Бир групун бејнәлхалг тәшкилатлара үнванладығы мәлум бәјанатла бағлы өлкә иҹтимаијјәтиндә реаксијалар давам едир.Танынмыш һүгуг мүдафиәчиси Новелла Ҹәфәроғлу “Дејерлер.орҝ”а гејд едилән бәјанатла бағлы фикирләрини бөлүшүб: “Мән бәјаната гол чәкәнләрин сијаһысына бахдым. Сонрадан онларын бәзиләри имзаларыны ҝери ҝөтүрдүләр. Мән чох севиндим ки, о адамлар охумадан һәмин бәјаната гол чәкибләр. рафигин өлдүрүлмәси һагда арашдырма апармаг, гатили тапмаг вә ону өлдүрәнләрә ҹәза вермәк дөвләтин ишидир. Амма Ислам динини буна гатмаг чох бәсит вә чох ијрәнҹ бир ишдир. Бу тәкҹә мәнә дејил, бизим бүтүн командамыза чох пис тәсир етди. Биз бунунла бағлы мәтбуата конфрансы кечирмәк дә истәјирик.
Бизим һәр шејимизи әлимиздән алыблар, бирҹә динимиз галыб. Инди динимизи дә әлимиздән аландан сонра нә олаҹаг?! Бәјанатда Авропаја истинад едирләр. Авропанын бүтүн милләти сәһәрдән ахшама кими килсәләрдәдир. Авропанын бүтүн милләти әлләриндә шам сәһәрдән ахшама кими өз дини ибадәтханаларындадырлар. Бизим дә бир гәдәр абрымызы, әдаләтимиз, бир-биримизә мүнасибәтимизи, Аллаһдан горхмағымызы сахлајан диндир. О дини дә әлимиздән алсалар, биз нәјә лазымыг, нә милләтик, һарадан ҝәлмишик?! Доғурдан да мәнә чох пис тәсир етди.
Бәјанат гәбул един, буна бир сөз дејән јохдур. Дејин ки, рафиг тағыны өлдүрәнләр һәбс олунмалыдыр. Амма бизим өз дахилимиздә дини белә ијрәнҹ вәзијјәтдә тәгдим етмәк мәним үчүн чох ағыр олду.
Бахмајараг ки, мәним һәјат јолдашым јәһудидир, онларын өз динләринә мәһәббәти чох ҝүҹлүдүр. Онларын дининә олан севҝиси гәдәр биздә өз динимизә мәһәббәт јохдур. Биз өзүмүзү бу гәдәр алчалтмамалыјыг. Буна ҝөрәдир ки, һамы өлкәдән чыхыб ҝедир, бизә бу гәдәр нифрәт едирләр. Башга мәсәләдир ки, моллалар савадсыздыр, Ислам динини билмир, бәзиләри һеч билмәк дә истәмир.
Бу мәсәләни галдырмаг лазымдыр вә дәјирми маса кечирмәк, мүзакирә етмәк лазымдыр. Бунун доғурдан да пис нәтиҹәләри ола биләр. Ираны бу мәсәләләрә гатмасынлар. Биз өзүмүз өз дахилимиздә мәсәләләримизи һәлл етмәлијик. Ислам дини бизим динимиздир вә она һөрмәт олунмалыдыр. Нәинки һөрмәт етмәлијик, биз динимизи севмәлијик. Биз һамымыз бир шеј едәндә “Ја Мәһәммәд (с)”, “Ја Әли (ә)” дејирик. Бунунла јанашы, белә бир алчалтма гәбул едилмәздир”.
Диггәт: Хәбәрдән истифадә етдикдә мәнбәјә истинад лазымдыр
