Әһли Бејт -АБНА- хәбәр аҝентлијинин вердији хәбәрә әсасән: Ислам дининә гаршы бәјанатын верилмәси үзрә Азәрбајҹан Республикасында бир груп журналист вә јазарын утандырыҹы һәрәкәтинин ишыгландырылмасы вә бу мәсәләјә гаршы иҹтимаи наразылығын ашкар олунмасынын ардынҹа, бу бәјанаты имзалајанлардан бир нечәси өз имзасыны ҝери ҝөтүрүб.
Бәјанаты имзалајанлардан бири Фиридун Ағасыоғлу билдириб ки, анти-ислам бәјанаты, онун мәтнини охумадан имзалајыб вә буна ҝөрә дә тәәссүфләнир.
Профессор кими гејд олунан Әли Аббасов да анти-ислам бәјанатыны имзалајан заман онун бәзи маддәләри илә разы олмадығыны билдириб.
Шаир кими гејд олунан Әли Хәјјам да билдириб ки, бәјанаты, мәтнини охумадан имзалајыб. Лакин мәтни охудуғу заман өз имзасыны ҝери ҝөтүрмәјә гәрар вериб.
Бу арада Бакыда анти-ислам бәјанаты имзалајанлардан бәзиләри бу утандырыҹы һәрәкәтдә исрарлы олдугларыны билдирибләр. О ҹүмләдән Меһрибан Вәзир Јени Мүсават гәзети илә мүсаһибәдә өз инадкарлығыны гејд едиб.
Диҝәр тәрәфдән тарихи арашдырмачы Алтај Ҝөјүшов сосиал-иҹтимаи шәбәкәләрдә мәгалә дәрҹ етмәклә бу анти-ислам бәјанаты савадсыз мәтн һесаб едиб вә үмидварлыг едиб ки, онун таныдығы шәхсләрдән бир групу бәјанаты охумадан ону имзалајыб.
Алтај Ҝөјүшов билдириб ки, Ислам дининин Азәрбајҹан халгына зорла гәбул етдирилмәси илә әлагәдар анти-ислам бәјанатын јазарларынын иддиасы јалан вә һәгигәтдән узагдыр.
Алтај Ҝөјүшов јазыб: Бизи елә ҝүнә гојублар ки, һәгигәтдән утанырыг, она ҝөрә өзүмүз һаггында јаланлар ујдуруруг. Тарихи дөвләт јох, сијасәтчиләр, идеологлар јох, алимләр јазмалыдыр".
Гејд етмәк лазымдир ки, Мүсәлман Азәрбајҹан Республикасы халгынын дини вә мәсләкинә дүшмән мүнасибәт сәрҝиләјән бир груп журналист јазычы һәгарәтамиз бир бәјанатда иддиа едиб ки, Ислам дини зор ҝүҹү илә Азәрбајҹан халгына гәбул еләтдирилиб.
Бакы хәстәханаларынын бириндә алдығы бычаг јарасы сағалдыгдан сонра шүбһәли шәкилдә өлән мүртәд јазычы рафиг тағыны мүдафиә едән груп бәјанатында јазыр : "Әрәб јарымадасындан бизә јеридилән "динул-әрәб"ә гаршы бир нечә әсрлик үмумхалг мүгавимәти ҝөстәрмишик. Беш ил сонра 1200 иллијини гејд едәҹәјимиз Бабәк Хүррәмдин Азәрбајҹан халгы үчүн бу шанлы мүгавимәтин символудур."
Мүсәлман Азәрбајҹан халгынын дининә гаршы чыхан јазычылар һәмчинин өзләрини "һуманист вә секулјаристләр, бу гәтлдән мәнәви вә интеллектуал зәрәрчәкәнләр" адландырыб, әлавә едибләр : "Зорла мүсәлманлашдырылдыгдан сонра да биз һеч вахт ортодокс исламы гәбул етмәдик, тарихә тәгиб вә гәтл едилмиш суфиләр вермишик. ХIХ јүзиллијин орталарындан етибарән биз расионал Гәрб күлтүр мәканына интеграсија етмәјә башламышыг. Ҝәлән ил доғумунун 200 илиијини гејд едәҹәјимиз маарифчи философ вә драматургумуз М. Ф. Ахундовун динә гаршы галдырдығы инкар бајрағы алтында ХХ јүзилликдә, демәк олар ки, бүтүн интеллектуал нәсилләримиз топланды. О, өз инкарынын бир чох јениликләри илә К. Маркс-ы, Ф. Ниетзсҹһе-ни габагламышды. ХХ јүз илликдә бүтүн мүсәлман Шәргиндә илк дәфә биз теократик јох, демократик республика гурдуг!"
Азәрбајҹан Республикасында һиҹаба вә ислам дининин тәләбәләринә гаршы тәтбиг олунан мәһдудијјәтләри дәстәкләјән ҝуја ки "һуманист" секуралистләр, мәктәбли гызлара һиҹаб вә дин дәрсләри өјрәнмәк һүгугуну тәләб едәнләри тәһгир едәрәк, диндарлары вә Иран Ислам Республикасыны "ушаглара мәҹбури дин дәрсләри кечирилмәсини истәјән, гадынлары јенидән чадраја бүрүмәк уғрунда күчәләрә чыхан" адландырыблар.
Анти-ислам јазычы рафиг тағыны дәстәкләјәнләр һәмчинин мүбарәк Ислам динини гулдарлыг гурулушунда јаранмыш бир дин вә Иран Ислам Республикасыны 30 милјондан артыг сојдашы өз зүлмү алтында әсир сахлајан адландырыблар.
Диггәт: Хәбәрдән истифадә етдикдә мәнбәјә истинад лазымдыр
