Әһли Бејт -АБНА- хәбәр аҝентлијинин вердији хәбәрә әсасән: Авропа Шурасынын вә бејнәлхалг тәшкилатларын кифајәт гәдәр мүраҹиәтләринә бахмајараг, өлкә башчысы Илһам Әлијевин имзаладығы әфв фәрманында ады сијаси мәһбус сијаһысында олан садәҹә 3 нәфәр вар иди. Бәс Азәрбајҹан һакимијјәти сијаси мәһбуслары нәјә ҝөрә азад етмәди?
Мөвзу илә бағлы ачыглама верән Һүгуг Мүдафиә Тәшкилатлары Мониторинг Групунун үзвү вә һүгуг мүдафиәчиси Новелла Ҹәфәроғлу, әфв фәрманынын тәкҹә сијаси мәһбуслара шамил олунмадығыны билдирди: “Әфв фәрман һәмишә вә һәр ил Азәрбајҹан үчүн лазымдыр. Әфв олунан шәхсләр ичәрисиндә 3 нәфәр мәһбусун адлары бизим сијаһыда иди. Баша дүшмәк лазымдыр ки, бу мәсәләдә бејнәлхалг тәшкилатларын јардымлары олдугҹа аздыр. Һәмин тәшкилатларын һакимијјәтә тәсир имканлары зәифдир. Сијаси мәһбусларла бағлы һөкумәтлә диалога ҝетмәк лазымдыр. Мониторинг групу олараг биз бу мәсәлә илә мүбаризәмизи давам етдиририк. Үмид едирәм ки, март ајына гәдәр сијаси мәһбусларын азад олунаҹаг. Биз бүтүн гүввәмизлә чалышаҹағыг ки, март ајына гәдәр президентлә ҝөрүшәк. Чүнки бу мәсәләләрин һәлли бир баша президентдән асылыдыр. ”
Һүгуг Мүдафиә Тәшкилатлары Мониторинг Групунун сијаси мәһбус сајдығы 27 шәхс арасында АИП сәдринин вә исламчыларынын адына раст ҝәлинмир. Өлкәнин апарыҹы партија, тәшкилат вә һүгуг мүдафиәчиләринин исламчылары сијаси мәһбус кими тәсдиг етдији һалда, Мониторинг Групунун исламчыларын адыны сијаси мәһбус сијаһысына салмамасы мәсәләсинә дә ајдынлыг ҝәтирән Новелла ханым, исламчыларла бағлы президентә ајрыҹа бир мәктуб јаздыгларыны билдирди: “Тәбии ки, исламчыларында һүгуглары мүдафиә олунмалыдыр. Һәгигәтән исламчыларын ишләри дүзҝүн апарылмајыб. Онларын мәһкәмәси јенидән кечирилмәлидир вә дүзҝүн мәһкәмә апарылмалыдыр.”
Диггәт: Хәбәрдән истифадә етдикдә мәнбәјә истинад лазымдыр
