Әһли Бејт -АБНА- хәбәр аҝентлијинин вердији хәбәрә әсасән: Бакы Әждәр Бәј Мәсҹидинин ачылышында нитг сөјләјән И.Әлијев билдирмишдир: “...Биз Ислам дәјәрләрини тәблиғ етмәлијик...” Ачылыш мәрасиминдән бир-ики ҝүн сонра исә 25 декабырда дејиләнләрин там әкси өзүнү бүрузә вермишдир. Белә ки, Јасамал рајон һүсејнијјәсинә ҝәлән һүгуг-мүһафизә вә јерли иҹра һакимијјәти органларынын нүмајәндәләри һүсејнијјәнин фәалијјәтинин дајандырылдығыны билдирибләр.
Диндарларын билдирдикләринә ҝөрә, онлар һүсејнијјәнин гападылмасыны тәсдиг едән һеч бир сәнәд тәгдим етмәјибләр. Бәс биз һарада ибадәт едәк суалына ҹаваб олараг исә дејибләр ки, әҝәр ибадәт етмәјә јер ахтарырсынызса, бундан сонра Тәзә Пир мәсҹидинә ҝедин.
Азадхебер.аз сајтынын әмәкдашларындан биринин әлдә етдији мәлумата әсасән исә Дини дүканлара лисензија верилмә мәсәләсиндә дә әнҝәлләр јараныб. Бундан сонра һәр рајонда бир Дини дүкан фәалијјәт ҝөстәрә биләр. Онларында сатдыглары дини әдәбијјаты Дини Гурумлар идарәси рәсмән тәсдиг етмәлидир вә гәбул етмәлидир. Әкс һалда бу дүканлар гәбул едилмәјән Дини әдәбијјаты сата билмәзләр.
Диггәт: Хәбәрдән истифадә етдикдә мәнбәјә истинад лазымдыр
